قصه الخزلان
في خمس بنات عم يدرسو بالجامعة الكبيرة بينهن عمرها ٢٥ وهي فيكن تقولو عنها النيرد بيناتن واسمها نيرمين اما البنات الأربعة هنن نفس العمر ٢٢ (غزل ومها وهيام ومنى) وكلهن سنة تخرج نيرمين تعرفت عليهن بالسنة التالتة و صارو رفقة هي كانت تساعدن بالمشاريع العملية والمواد الصعبة عليهن وحتى انها اعتبرتن اخواتها وقريبين منها كل تفاصيل من حياتن بيعرفوها عن بعض ليوم طلب الدكتور منهن مشروع بيتألف من خمس اشخاص وهنن تفقو مع بعض يكونو هنن بالمشروع ومايدخلو حدا غريب والمدة هي شهر واحد, بس بكونو بكفتريا الجامعة وعم يتفقو.
غزل:صبايا كيف بدنا نعمل المشروع اذا كل وحدة فينا بمنطقة
مها:اي والله كيف ؟
نيرمين:صبايا نحنا منتفق ع موضوع المشروع ومنخطط كيف بدنا نصممه.
منى:اي وكيف بدنا نصممه والأدوات كيف بدنا نجيبا؟
نيرمين؛لاتاكلو هم انا بجيب الأدوات وبشتغل فيه بإعتبار انا بالمدينة وبقدر جيب كل شي وبتشوفو المشروع بعد ما ينتهي واذا بدكن تغيرو فيه شي
هيام:اي بصير شو رأيكن بنات(غمزتن)
الكل:اي موافقين
مرت الأيام والبنات عم يتفقو ويخططو لوقت اجا يوم وانهت نيرمين المشروع وكانت طول فترة المشروع تنام ساعتين اوتلاتة باليوم وتعبت كتير عليه ومافي حدا ساعدها فيه لانها وحيدة لأهلها وماعندا حدا قريب منها غير رفقاتها .وهنن بالكافيه عم يتفقو شو يحكو مع الدكتور اذا سألن عن المشروع.
نيرمين:شو رأيكن صبايا عجبكن؟
هيام:عنجد حلووو والله الدكتور ليعطينا العلامة ٩٠ من ١٠٠
غزل:اي بس شو رح نحكي للدكتور اذا سألنا شوعملتو وكيف ؟
منى:نيرمين لازم تشرحينا بالتفصيل شو اشتغلتي
نيرمين:طيب رح بحكيلكن ولازم تحفظو كل شي وكل وحدة فيكن بتقول شو عملت مثلا:انا عملت الرسمة للمشروع مع منى
مها:وانا بقول اني جبت الأدوات
هيام:وانا خطط للمشروع.
غزل:وانا شو قول مابعرف شي!؟
نيرمين:اممم بتقولي انك انتي يلي اشتغلتي ورح بقلك كيف عملتو ولازم تحفظيه منيح ولاتنسي شي
غزل:طيب تمام
نرمين شرحت كل لرفقاتها واجا اليوم النهائي للمشروع وطلب الدكتور مقابلتن ليشرحو شو عملو واشتغلو بخلصو شرح
الدكتور:رسم كلو تمام وحتى المشروع مامن عملو وحتى انو منستفيد منه شغلكن ممتاز بعطيكن العافية فيكن ترحو
(بيقعدو قريب من غرفة المشاريع والدكتور واقف وراهن وعم يسمع كل شي
هيام:ماني مصدقة
غزل:ولا أنا بس كلو بفضلو نيرمين هي يلي عملتو للمشروع ونحنا بس شفناه وماعرفنا شو نقول لولاكي
مها:والله انك كفو يانيرمين
منى:بالمناسبة هاي عازمتكن ع قهوة تفضلو
نيرمين:فكرت رح تقولي ع شاورما بس يلا قهوة مابتشكي من شي
(الكل):ههههه
(وبمر الأيام وبتطلع نتيجة المشروع بيتفاجؤ بكونو ب حديقة الجامعة)
غزل:ليش هيك معقول بس ٦٥
هيام:وأنا متلك
مها:وانا ومنى ٦٨
منى:شوفو بنات علامة نيرمين ٩٠ شو صار ليش هي اكتر مننا
غزل:هلأ بس تجي ومنسألها ها إجت
نيرمين:كيفكن صبايا
هيام:مناح شو شفتي نتائج المشروع؟
نيرمين:لا ليش طلعو ؟
غزل:اي تفضلي هاي نتيجتك
مها:شو نيرمين فسرينا شو صار ؟
نيرمين:ليش شو صار مافهمت؟
منى:نحنا علاماتنا ادنى منك بكتير انا ومها٦٨
غزل:,وانا وهيام ٦٥
نيرمين:مابصير اكيد في غلط شو رأيكن نروح ونحكي مع الدكتور؟
مها:انتي روحي ونحنا منستناكي هون
نيرمين:ليش انا لحالي روحو معي
مها:انتي أعلى مننا بالنتيجة والدكتور بيعرفك اكتر مننا ونحنا مابيعرفنا إلا السنة هاي
هيام:مها معها حق انتي بتعرفي للدكتور من السنة الأولى ماهيك؟
نيرمين:اي صح بس معرفة طالبة ودكتور مو اكتر
غزل:وانتي متفوقة عندو وأكيد مارح يرفضلك طلب
نيرمين:رح روح وارجع وانشالله خير(بتروح وبدق الباب )
الدكتور:تفضل
نيرمين:يعطيك العافية دكتور
الدكتور:اهلا نيرمين تفضلي
نيرمين:دكتور بدي اسألك سؤال وبتمنى تجاوبني بصراحة
الدكتور:انا بعرف شو بدك تسألي
نيرمين:بتعرف!(مستغربة)
الدكتور:نيرمين انتي بنت طيبة كتير وانتي بتوثقي بالناس بسرعة
نيرمين:دكتور ماعم بفهم عليك ليش عم تقلي هالحكي؟
الدكتور:رح فهمك بس لازم تجاوبيني بالحقيقة وتقليلي مين يلي عمل المشروع وفكرة مين؟
نيرمين:كلنا اشتغلنا فيه (ملبكة)
دكتور:نيرمين حكيلي الحقيقة وانا بعرف انك انتي يلي عملتي وماحدا ساعدك ليش عم تحمين للبنات وانا سمعت كل شي ؟
نيرمين:دكتور رفقاتي ساعدوني وخططو معي واانت شو سمعت وايمتى؟
دكتور:وقت خلصتو المشروع وكنتو قاعدين قريب من الغرفة وانا سمعت كل شي بالصدفة ولهيك النتائج يلي حطييتا لكل طالب وطالبة حسب عملو وتعبو
وانتي بتستاهلي لان مشروعك ممتاز
نيرمين(عم تبكي):دكتور انت ليش عملت هيك بتعرف هلأ شو بصير بفكروني انو خدعتن ومابقى يحكو معي ويوثقو فيي(وبتوقف وبدها تطلع )
دكتور:نيرمين وقفي (بصوت عالي)
نيرمين(بتوقف وبتوجه وجها للدكتور وعيونها مليانة دموع)
دكتور:انتي حكيلن لرفقاتك وقوليلن الحقيقة وشوفي ردت فعلن اذا صدقوكي معناها رفقاتك فعلآ واذا كذبوكي معناها هنن رفقات مصلحة بس
نيرمين:رفقاتي هنن متل أخواتي وأكيد رح بصدقوني(وبتطلع و
بتروح لعندن وبتحكيلن يلي صار وهي عم تبكي)
مها:انتي أكيد عم تضحكي علينا
غزل:أكيد في شي بينك وبين الدكتور لحتى حطلك اكتر مننا
نيرمين:شبكن بنات انا رفيقتكن معقول ماعندكن ثقا فيي موانتو بدكن روح لعندو وافهم شوصار لو في شي بينا ماكنت رحت شبكن
هيام:بجوز رحتي لعندو لنصدق كذبك
نيرمين:شبكن ماعم تصدقوني نحنا مع بعض من سنة ومعقول يلي عم تحكو
منى:صح بس كل نتائج اكتر مننا مع انو مندرس متل مابتدرس كيف هيك
مها:وشو بتقول انو هي راحت لعندو وعرف لحالو ولازم نصدقا
غزل:بنات امشو نحنا مالنا حكي معها والمشروع وخلص لشو نمشي معها
نيرمين:شووو عم تحكي انتي يعني انتو كنتو عم تستغلوني بس للمشروع
هيام:فهمي متل مابدك يلا بنات
(بروحو وبيتركوها وهي مقهورة ومستغربة وعم تحكي مع نفسها:معقول يلي سمعتو معقول ليش ليش هيك عملو والله انا ماعملتلن شي الدكتور لازم روح لعندو واحكيلو واعرف كيف عرف لازم روح لعنده )
دكتور:تفضلي نيرمين ارتاحي
نيرمين:كيف عرفت كيف وانا صرلي سنة معن مفكرتن اخواتي
دكتور:شربي مي وإهدي ورح احكيلك
نيرمين:تفضل دكتور انا هديت
دكتور:هنن كانو يحكو عنك بغيابك وانا كنت موجود بوقتا وكنا بالكفتريا
نيرمين:دكتور شو حكو وانت ليش مانبهتني بوقتا؟
دكتور:كانو عم يحكو بإنك مسكينة وبينضحك عليكي وانك قبلتي تعملي المشروع لحالك وهنن مرتاحين وغيرو وماقلتلك لان مارح تصدقيني وانتي عرفتي شو صار وقت خبرت قبل
نيرمين:انا ماعم صدق ليش هيك عملو معي والله حبيتن واعتبرتن اخوات ما أذيت حدا منن بالعكس كنت ساعدن بكل شي
دكتور:هدي نيرمين حاج بكي مابيستاهلو تبكي منشانن وانتي عرفتي حقيقتن ولازم تبقي قوية بوجهن وانتي لانك طيبة مع الناس لهيك فكرتي كل العالم متلك
نيرمين:انت بتعرف شو حكو عني وعنك وقت قلتلن وماصدقوني قالولي اني كذابة انو نحنا في شي بيناتنا ليش ماخبرتني من قبل ليش هلأ الجامعة مابعرف شو رح بصير في حكي كتير
الدكتور:وصلت معن لهون انا لازم حطلن حد
نيرمين:شو بدك تعمل دكتور
الدكتور:بكرا بتعرفي لان الدوام خلص
نيرمين:انا أسفة لاني صرخت ماكان بقصدي عن إذنك
الدكتور:نيرمين ولايهمك وبكرا بترتاحي بس تشوفي شو رح بصير فين
نيرمين:شكرا دكتور لانك صحيتني ع كذبة كنت عم عيشا معن والحقيقة بانت عنجد شكرا
الدكتور:شكريني بكرا مو اليوم الله معك
(تاني يوم نيرمين دخلت عالمحاضرة والكل عيون عليها وهي خايفة ومرعوبة لان عرفت انو البنات حكو عليها وقعدت بعيد عنن وعم تستنى الدكتور لتشوف شوبدو يعمل)
الدكتور:صباح الخير (أخد نظرة سريعة ع نيرمين وشافها خايفة)
الكل:صباح النور
الدكتور:رح نبدا المحاضرة بس بلأول لازم اسأل أسئلة عن محاضرة السابقة
مها (سألها سؤال وماعرفت) ليش ساكتة ماحضرت الدرس ماهيك هيام جاوبي انتي (تلبكت وماعرفت تجاوب )منى ....وغزل ...ليش عم تحضرو لكن اذا ماعم تحفظو شي من يلي عم بعطيكن اياه لهيك علاماتكن بتشرف بالمشروع شو مها خانوم
مها:دكتور انتي ليش عم تحكي معنا هيك
دكتور:الحق معك والله لان جاوبتي ع سؤال ولازم صفقلك ماهيك وانتي غزل شوعندك ولاهيام منى شبكن ساكتين يلا طلعو لبرى ومابدي شوفكن بمحاضرة ابدا عم تفهمو
غزل:انتي ليش عم تسأل نحنا بس شو في غيرنا
الدكتور:ولسا عم تحكي بدل ماتخجلي من حالك
هيام:دكتور غزل معها حق وانت لازم تشوف غيرنا (واخدت نظرة ع نيرمين )
الدكتور:طيب ماشي ويلي مابجاوبني ع الأسئلة رح ينحرم من محاضراتي وحتى اني رح حملو المادة (بيسأل الطلاب بعض منن بجاوب وبعضن لا وبيتجه لعند نيرمين)
الدكتور:نيرمين جاوبيني ع سؤال يلي هو .....(نيرمين عم ترجف وخايفة )
نيرمين:الجواب هو ........
الدكتور:استريحي وانتو شو انشالله ارتحتو وهاي سألنا الكل وهلأ مابدي شوف وجهكن ابدا يلا لبرا
(بيطلعو البنات بس وعيونن ع نيرمين وكأنو عم بحملوا المسؤولية)
الدكتور(بينظر لنيرمين بمعنى ارتاحي ):رح نبدا محاضرة جديدة
طالب:دكتور بتسمحلي بسؤال؟
الدكتور:تفضل
طالب:نحنا منعتذر منك ومن الزميلة نيرمين لان صدقنا حكي البنات يلي طلعو وانت عرفت شو حكو ماهيك
الدكتور:اي عرفت وياريت تنسو يلي صار ولابقى تصدقو كل شي بينحكى قبل ماتتأكدو
الكل:حاضر دكتور
(نيرمين ارتاحت بعد يلي صار بس شفقانة ع البنات لان مابتعرف تحقد او تكره حدا هي كملت المحاضرة وعند الدكتور )
نيرمين:دكتور مابعرف كيف اتشكرك وعنجد ارتحت كتير بس شفقانة علين
الدكتور:ولايهمك وانتي لاتهتمي هنن اخدو جزاتن لان أخدو تعبك وشفتي كيف ماعرفو يجابو ع أسئلة بسيطة
نيرمين:معك حق وشكرا مرة تانية لازم امشي
الدكتور:لا العفو المهم اهتمي بدراستك ولاتثقي بأي شخص مابتعرفي
نيرمين:حاضر عن اذنك
الدكتور:الله معك
(نيرمين بتاخد بنصيحة الدكتور وبتتخرج بمعدل ممتاز وما بتنسى الخزلان أبدا من البنات يلي اعتبرتن رفقاتا وبتتذكرو دايما ومع هيك بتكمل حياتها وبتوصل لحلمها )
ليست هناك تعليقات:
إرسال تعليق