مقالات قصصيه/ قصه الحب مو بشع

 

#الحب_مو_بشع

كان في شب وصبية مع بعضن من وقت م كانو صغار كل الوقت كانو سوا يلعبو سوا وهيك كبروا وضلو مع بعضن 

الصبية اسمها شهد عيونا زرق بشرتا حنطية وم طويلة كتير يعني سنفورة اي ووزنها متناسب مع طولها بس كتير حلوة يعني الها جاذبية

الشب اسمو بلال عيونو بني ع اسود يعني اذا طلعتو بعيونو م بتعرفو لونن عالسوا هو وشهد

نكمل وصف بلال

اي وطويل وجسمو حلو والو دقن بتجنن

بلال وشهد اغلب وقتن مع بعضن 

وبلال بحبا لشهد بس شأد صرلن مع بعض م اعترفلا

وبيوم من الايام ...

#بلال:شهود شو رأيك بكرا نطلع ع البحر

#شهد: شو المناسبة ليش لحالنا

#بلال: لانو مخنوق شوي وحابب فضفضلك 

#شهد: طيب ماشي رح خبر ماما وبكرا بشوفك 

#بلال: ياعيني احلى شهود

#شهد: اصلا م في مني ابوسني الله يخليلك ياني

#بلال: اميين

#شهد: (وهي خجلانة) يلا بدك شي تأخرت ع البيت

#بلال: (بقلبو؛ يسلملي الخجول انا) لا نتبهي ع حالك سلام

#شهد: سلام

وهيك كل واحد بيروح بطريقو 

(سرد بلال)

ياربي كل م عم طلع بعيونا عم انسحر لك بشلو 

شو م بتلبس بتغيرو 

ولا وقت بتدلل حالها يا الله شو بتعمل فيني 

لك كتير بحبا بس علوا تزبط هالمرة واقدر اعترفلا

(سرد شهد)

يااي لك والله نظراتو غريبة معقول يكون بس لالا م معقول 

نحنا رفقا بس م ممكن تتطور صداقتنا اكتر من هيك 

وكل مرة بقلي منشان نشوف بعض بس م بصير شي 

بس قلبي حاسسني انو هالمرة م متل كل مرة ياربي احسن الشي ابطل افكر وانام

تاني يوم بفيقوا ابطال قصتنا وكل واحد عم يفكر شكل

شهد عم تفكر 

ياربي شو بدي البس كل لبسي بلال بيعرفو خلص بعدين ليش لاتأنق خلص مشوار عادي

بتلبس شهد بلوزة تركواز مع بنطلون اسود وبتعمل شعرا الطويل كيرلي وبتحط ميك اب خفيف بس بتطلع بتجننن ولون عيونا بيطلع كتير حلو 

اما بلال بيلبس قميص كحلي و بنطلون بيج وبيعمل تسريحة لشعرو كتير حلوة

بيدقلا لشهد

#بلال: شو شهود م خلصتي

#شهد: اي خلصت ليش

#بلال: عم فكر اجي اخدك شو رأيك

#شهد: لا بلاها شو رأيك خلص بتشوفني هنيك 

#بلال: طيب شوشة متل م بدك 

#شهد: يلا سكر التلفون بلا م تعمل حادث

#بلال: اي من عيوني 

(نسيت قلكن بلال وشهد من عيلة ميسورة

وبلال عندو سيارة)

بسكروا وشهد بتروح ع البحر طبعا رايحين هنن عليه اكتر من مرة والن كرسي خاص فيهن 

وبلال وشهد بيوصلو بنفس اللحظة 

بشوفا بلال وبيصفننن وبيبتسم لانو كتير بتكون طالعة حلوة 

وشهد بتشوفو شلون صافن فيها بتخجل وبيحمرو خدودها

بتلوحلو بايدها منشان تروح الصفنة 

#شهد: هيييي شو وين رحت

#بلال: ااا لا هون انا 

يلا نقعد (كتيييير بيتلبك)

بيقعدو ع كرسيهن وبيحكو شوي وهنن عم يحكو بيجي ابو غزل البنات وشهد كتييير بتحب الغزلة 

#شهد :بتقول ياااي عمو ابو الغزلة وبتكون كتير مبسوطة

#بلال: لك شهد شبك كبري شوي

#شهد م بدي م بدي رح اضل صغنونة 

بدي غزلة

#بلال لك هس فضحتينا خلص قايم قايم 

بيقوم بلال بعد م كل الخلق عم تتطلع عليهن وبيجيب كيسين غزلة

بيرجع لعند شهد 

#بلال وهي غزلة لاحلى شهد

#شهد ياي شأدك حباب انت بتجنن

#بلال (بقرب ع شهد ) شهد انت حبيتي حدا بحياتك

#شهد (بتتوتر من قربو الها) وبتقلو ل ا لا ولا بدي حب اصلا

#بلال (بيطعميها غزلة بايدو ولاول مرة بيعملا) الك خبر انو طالعة بتجنني اليوم

#شهد( بتخجل) بس بتروح خجلا اصلا انا كل يوم بجنن

#بلال اي صح

وبهالاثناء بيعدو شي ٣ شباب اللهم عافينا وبسمعو حكي لشهد يعني بلطشوها

بلال كتير جسمو قوي بيضربن كل ضربة اقوى من التانية بيقومو وبيهربو وبيرجع بلال محلو

#شهد لك بلال شو عملت

#بلال م عملت شي بس عطيتن اللازم

#شهد طب ليش هيك عملت

#بلال لانو ممنوع حدا يقرب ع ممتلكاتي الخاصة

#شهد ممتلكاتك الخاااصة!!

#بلال اي اي لك انا بحبك بحبك

#شهد بتخجل

#بلال بيرجع بقلا لك بحبككك 

#شهد بتبتسم

#بلال شهد ردي علي كرمال الله قليلي وانا كمان

#شهد م فيني

#بلال لك ليش ليش قليلي

#شهد (بتزعل وبتدمع عيونا)بخاف اقلك اي وتكون م الي بعتذر 

وبتتركوو وبتمشي ورايحة تبكي 

بترجع ع البيت وبتبكي كتير بتشر الكحلة وبتعبي المخدة دموع وبتنام

اما بلال بيرجع ع البيت وبيقول معناها بتحس شي تجاهي

تاني نهار بيندق الباب بتروح بتفتحو وبنطلونا رافعتو وشعرها منكوش وكحلتها ساحلة وفي بايدها سندويشة وبتمها اللقمة بيكون بلال وامو واختو 

#ام بلال: مرحبا يا بنتي الماما موجودة

#شهد وهي خجلانة بتقلا اي خالتو تفضلي 

طبعا بتكون هداك الوقت خالصة من البيت يعني نضيف وعم يلمع لمع بيدخلو طبعا ام شهد بتستقبلا

وشهد بتروح ع غرفتا تزبط حالها

بتلبس فستان ريشي وبتحط ميك اب كتير حلو بتطلع ملكة جمال

بتدخل ومعها القهوة 

#شهد تفضلي خالة

#ام بلال ماشاء الله يا ارض حفظي م عليكي اي شو هاد الله يحميكي يا بنتي 

#شهد كتير بتتلبك الله يسلمك خالة

بتضيف اختو 

#اختو بتقرب منها وبتقلا والله هالضرسان عرفان ينقي لك بتجننيي

#شهد (بيحمرو خدودها) ع شو عم تحكي 

#تسنيم(اختو) اي بيحقلك تدللي

بيجي دور بلال وهون شهد كتيييير بتخجل بتضيفو القهوة فورا وبترجع بتقعد

وهون ام بلال بتطلب شهد لابنها

وامها لشهد بتوافق 

وهيك بكونو خطبو رسمي

بيبعتلا مسج 

#مسج بلال هي منشان تعرفي م تقليلي بحبك 

وحاج تخلي خدودك يحمرو لانو دوبتيني 

قومي غسلي وشك منشان م اقوم ابوسك اقدام الكل

وانا مجنون بعملا ها

بتشوف المسج وبتقوم بتطلع ع البرندة بيخف خجلا وتوترها وبترجع لحالتا الطبيعية

بتخلص زيارة بلال واهلو وبروحو طبعا بلال بيغمزها لشهد وبخليها تدوب

بعد م راحو بيحكو ع الوتس ومع ذلك م بتعترفلو 

بيروحو يشترو الخواتم وبعد بفترة كتب الكتاب 

يعني م ضل غير العرس

وكل هاد وشهد كاتمة حبها بقلبها م عم تقلو ل بلال وم عم تبردلو قلبو 

يعني ناطف قلبو ع م يسمعا وم عم تقلو

طبعا بيتها والعفش كلو جاهز 

بيعملو بطاقات العرس وبيوزعوها وحجزو الصالة والكوافير

المسا عم يحكو وتس

#بلال شهودتي 

#شهد عيونا

#بلال بحبككك

#شهد بتبقى ساكتة

#بلال لك شهود بكرا عرسنا م رح تقليلي ياها بقا

#شهد حباب بلال خلص بعدين

#بلال (م كان يزعل شهد) طيب ياروحي

لازم ترتاحي ها

#شهد( بتخجل) اي اكييد منشان اخدلك عقلك

#بلال لك انتي من دون شي اخدة عقلي بعشقك 

#شهد (بتحاول تتهرب) يلا انا كتير نعست تصبح ع خير قلبي

#بلال وانت بخير حياتي

تاني نهار بيجي بلال بياخد شهد ع الكوافير

شعرها بيكون كتيييير حلو 

والميك اب طالع بجنن 

مع البدلة البيضا مفتوحة الضهر

يعني طالعة ملكة

وبلال كمان طالع كتير حلو

يعني باختصار لابقين لبعضن

بيصلو ع الصالة وكل العالم عم تتطلع عليهن لانو كانو بجننو 

اي وبتعرفو انت شو العرس

بعدين بتطلع غنية سلو بيرقصو عليها العروسين 

وبكونو كتيير رومنسيين بتكون شهد معلقة ايدها ع رقبة بلال بتقرب من ادنو وبتقلو بحبك

هون بلال بيطير عقلو بيشلها وبلف فيها 

#بلال ياناس ياعالم لك قالتها والله قالتها لك انا بعشقككككك

#شهد لك بلال خلص ياي ياربي منك وانا بعشقكككك

بيخلص العرس وبكون بلال مبسوط 

بعد ٣ شهور من زواجهن

بتطلع شهد حامل بس م بتقول لبلال يعني بتعمل مفاجأة

بيرجع بلال ع البيت وبلاقي الاضوية مطفية

#بلال معقول شهد نامت من هلأ مالها بالعادة اغلب الاوقات بتستناني يلا بلكي تعبت من شغل البيت

بيشغل الضو 

#شهد سربراايز 

بشوف بالونات زرق وزهري وشموع وطاولة عليها كل انواع الاكل 

#بلال حبيبتي ليش كل هاد شو المناسبة

وشهد بتطق البالونة اللي فوق راسو بتنزل ورقة مكتوب عليها (مبروك حبيبي انت رح تصير اب ) بيشوفها بلال وبتدمع عيونو بيحملا لشهد وبيلف فيها 

#بلال شهودتي عنجد 

#شهد (وهي رايحة تبكي)اي يا قلبي اي 

#بلال وشو جنس

البيبي

#شهد لسه م بين حبيبي بس نشالله يكون صبي 

بدي ياه بيشبهك 

#بلال لا لا بدي ياه يكون بنت لانو انتي اخدة عقلي بدي ياها نسخة عنك

شهد وبلال بيتخانقو واحد بدو بنت والتاني بدو صبي 

بعدين بيكبرو عقلن وبقولو 

كلو من الله يا محلاه

بالشهر الخامس من حمل شهد بيكون في ببطنا توأم

وبكونو صبي وبنت

شهد وبلال بيطير عقلن 

وبيرجعو عالبيت مبسوطين 

وبلال م بخلي حبيبتو تشتغل شي 

#بلال حبيبتي بدي اسمي البنت لين شو رأيك

#شهد اي حبيبي كتير حلو وانا رح سمي الصبي مجد

#بلال ياعيني مجد و لين كتييير حلوين الاسماء

بالشهر التامن من الحمل 

بيجهزو الديارة ولكل بيبي تخت 

#شهد بلااااال الحقني يا بلااال 

بتكون الساعة ٢ بالليل

#ام الشووش

فورا بلال بياخدا ع المشفى وبتولد بالسلامة وبتجيب احلى صبي وبنت

#شهد ياالله شوف م احلاه مجد ولا لين تمها متل حبة الفستق

#بلال اي يا عمري بجننو طالعين بيشبهوكي

#شهد لا بيشبهوك

#بلال طب شو رأيك انو بيشبهونا تنينتنا

#شهد دائما بتغلبني 

بحبك حياتي

#بلال وانا بعشقك يا ام ولادي

وهيك بتكون خلصت قصتنا 

الخلاصة

خلونا م نفكر بالحب بطريقة سلبية 

لانو الحب بحياتو م كان بشع 

بالعكس هو شعور كتير حلو 

ورسالتي لكل اللي عم يقرأ

اذا انت او انتي مرتبطين

وحابين بعضكن روح وطلبا من بيت اهلا

وانت يا شب يلي معجب بصبية طلبا من اهلا ولا تتردد

لانو بهالايام م عاد في بكرا