أنا وبناتي
♡♡♡♡♡♡♡♡♡♡♡♡
الجزء الأول
♡♡♡♡♡♡♡♡♡♡
وبعدين يا ربي وبعديييين لك انتي ما بتملي؟!
ندى : لا ما بمل وليش لمل هاد حقك
عماد : اسمعيني كويس هالتخبيص مابقى بدي اسمعو لك في وحده بالعالم بتركد لتزوج زوجا
ندى : اي في وانا هالوحده حبيبي انت من حقك يكون عندك ولاد وانا متل ما بتعرف ما فيي جيبلك ولاد وين المشكلة فهمني مو انا عم قلك اتزوج
عماد : ليكي ما تخليني قوم كسر البيت كلو فوق راسك انهي السيره انا بحبك إلك وما بدي ولاد إلا منك فهمتيا لهي ولا غنيلك ياها
ندى : طيب لا تعصب منحكي بالسيره بعدين
عماد : اوووف منك و من نقك انا رح انقلع من وشك احسن شي رح انقبر عالمحل
ندى : عماد عمااد
بيطلع عماد من البيت معصب من كلام مرتو ندى
ندى وهيي بتحكي مع حالا : لو الأمر بإيدي ما بتركك تروح لمره تانيه بس انا بعرف جنس الرجال هلق ولا بعدين رح تتزوج قد ما صبرت عليي آخر شي رح تتزوج
يرن جوال ندى
ندى : اي منار هلا
منار : هلا فيكي ليش اتأخرتي المشفى فيا عجقه اليوم والمدير كذا مره سأل عنك وعلى وينا الممرضه ندى وليش صايره مهمله
ندى : يلا جاي جايي مسافه الطربق غطي عليي لبين ما اوصل
بتوصل ندى للمشفى ويطلبا مدير المشفى لمكتبو ويطرقا بهدله وتنبيهات بسبب اهمالا لشغلا
غسان مدير المشفى : ليكي ندى انتي إلك عندي وضع خاص لأنو زوجك عماد رفيقي بس هاد ما بيعني إنك تهملي شغلك مفهوم؟!
ندى : بعتذر دكتور
غسان : ولايهمك انتي غاليه علينا يلا اتفضلي لشغلك وابقي سلميلي على عماد....
بتدخل ندى مكتبا المشترك مع
رفيقتا منار
منار : اهلين حبيبتي
ندى :............. يلعن عمري اي
منار : طولي بالك هي طبيعة شغلنا معليش
ندى : اأخ شو نعبانه يا منار وكل الدنيا مسكرة بوشي
منار : ليكي قلبي لازم تفصلي بين بيتك وشغلك وإلا رح تخسري شغلك
ندى وهي بتضحك : بيتيييي ايييه الله يساعدني احسن شي
منار : لساتك بتنقي على زوجك ليتزوج
ندى : اي
منار : ما بعرف شو قلك انتي مره عظيمه ولا جباره
ندى بنبرة حزن : لا هي ولا هديك
منار : كيف يعني
ندى : انا بعرف رح بجي يوم و عماد رح يتزوج فقلت بزوجو برضايي وبكسبو لجنبي ولما بيتزوج و بيصير عندو ولد بشوف شغلي مع العروس الحلوة هههه...
منار : مو نيالا اللي بتحطيا براسك
ندى : اي لكن شو مفكره كتير مبسوطه لأني بدي زوجو لزوجي
منار : اي اي تفضلي خلينا نشوف شغلنا هلق يخانقنا المدبر
ندى : يعكر صباحوو متل ما عكر صباحي
منار : هههه الله يسترنا منك مشي مشي
...............................................
صلاح : شبك يا زلمه قالب خلقتك
عماد : ايييبه ضجت من كلشي والله ضجت لك اخي ندى بدا اياني اتزوج والف مره مفهما مااابدي
صلاح : بدك الصراحه معا حق انت بتعرف انو زوجتك ما بتجيب ولاد وهي لو مانا بنت حلال ما بتركد و بتزوجك بإيدا
عماد : بعرف بس انا ما بدي اقهرا بالضره والله حرام
صلاح : الله حلل الك 4 و غير هيك انت الك اسبابك ومن حقك يكون عندك ولاد
عماد : ما فيي اتزوج لك انا بحبا لندى
صلاح : عسيره الحب انت بتعرف انو زينه بالبلد من اسبوع
ببتكركب عماد و يقول : شووو زينه انت متأكد
صلاح : هههه شووووو لمعت عيونك بانت من ذكرتلك اسما
عماد : بشرفك انت شفتا
صلاح : اي طبعا اتغدينا سوا امبارح
بعصب عماد ويقول : عندك علم من اسبوع و ما بتقلي لييش
صلاح : آسف هيي طلبت ما خبرك
عماد : لييش ما بدا ياني اعرف لك هي زينه وانت بتعرف شو يعني زينه
صلاح : ليك عماد ما جبتلك سيرتا لتعصب انا قلتلك لأنك استفزيتني بخصوص ندى قال بحبا فال هههه
عماد وهوي متلبك : قلي وينا زينه؟
صلاح : زينه بدا تنسى الماضي
..............................................
منرجع لعند ندى زوجه عماد
ندى : رح اطلع بدك شي منار
منار : لا قلبي سلامتك اليوم مناوبتي ادعيلي اتحمل المدير
ندى : الله بكون معك ههههه يلا باي
بتأشر ندى لتكسي وبتروح لعند زوجا عماد ع المحل اللي عندو محل البسه بتوصل عالمحل و بتفوت بتلاقي زوجا عماد مكركب و وشو ما ببتفسر
عماد : اهلين ندى اهلين...
ندى : شبك حبيبي ليش مخطوف لونك
عماد : ولاشي يمكن تعبت شوي
ندى : طيب قوم سكر المحل عازمتك عالغدا
عماد : بفضل روح عالبيت مالي خلق
راسي عم يوجعني
ندى : متل مابدك لكن مناخد اكل جاهز بطريقنا
بيركبو السياره وبيمشو وكل الطريق عماد ما حكى حرف الشي اللي لفت انتباه ندى
حاولت تستفسر شو اللي مغير حال زوجا بس كان جوابو الوحيد تعبان من الشغل
................................................
صلاح : ألو زينه كيفك فينا نلتقي
زينه : اهلا صلاح خير في شي يعني؟
صلاح : انا آسف....
زينه وهي بتضحك اي كفي لشوف عشو عم تتأسفلي
صلاح : أنا خبرت عماد إنك اجيتي عالبلد
زينه : لكك ليش قلتلو شو اتففنا الله يسامحك
صلاح : ما قدرت خبي عنو بعتذر لأن خالفت الأتفاق
زينه : امممم طيب شو قلك لما عرف شو حكى
صلاح : هههه والله عيونو اللي حكت مو هوي اول مره بشوفن يلمعو هيك
زينه : اي طمني عنو كيفو
صلاح : منيح ماشي حالو بس قلي بدو يشوفك
زينه
: لا دخيلك ما فيي ما بقدر
صلاح : ليش وين المشكله ليش ما بتقدري
زينه : ما بدي تتكرب حياتو بسببي هوي صار مع مره تانيه انت عم تفهمني صلاح
صلاح : الله يلعن أبو الظروف
زينه والدمعه بعيونا : كلو نصيب
............................................
منرجع لعند ندى و عماد
كان عماد لسا مبين عليه انو في شي صاير معو و ندى محتاره بأمرو
بترجع ندى تفتح موضوع الزواج مع عماد وكلمه منا و كلمه منو بيضربا كف وبيطلع برا البيت بيتركا عم تبكي وهوي بيطلع متل المجنون بصير يسوق
يندق باب بيت صلاح
صلاح ، اهلا عماد شبك ليش هيك معبق وشك فوت فوت نحكي جوا
بيشرح عماد شو صار بينو وبين ندى
صلاح : انت اول مره بتمد ايدك على ندى شبك جنيت بعدين المخلوقه مانا غلطانه لكن في وحده بتسعى لتزوج زوجا بإيدا لك هي المره لازم تحطا فوق راسك
عماد : ما بعرف شو صرلي
صلاح : ليكووون خبر رجوع زبنه هوي اللي مضوجك هالقد
عماد : ما راحت من بالي من لما قلتلي
صلاح : عماد لاتجن انا لما قلتلك عن زينه كان قصدي فرجيك انك ما بتحبا لندى وقادر تتنزوج عليها
عماد : انا بحبا لندى بس زينه من وقت قلتلي عنها ما فارقتني لحظه
صلاح : الحب اللي كان بينك وبينا مات من لما اهلا سافرو لبرا
عماد : ما مات ولا رح يموت ظروف زينه هيي اللي منعت زواجنا
صلاح : اذا حبك لزينه ما مات طيب ليش عم تقلي انك بتحبا لندى
عماد ؛ ما بعرف ما بعرف
صلاح : طيب اهدى شوي
عماد : بدي شوف زينه الله يخليك
صلاح : ماشي بس روق هلق
بيرجع عماد عالبيت وبيصالحا لندى
........................................
بتمر أيام ويستمر عماد بطلبو ليشوف زينه
صلاح : الو زينه كيفك فاضيه اليوم بدي شوفك
زينه : اي صلاح عالساعه 8 بشوفك بنفس الكافيه
صلاح : اتفقنا
بيتصل صلاح بعماد و يقلو بدي شوفك اليوم عالساعه 8
كان صلاح قاصد هالحركه آنو يجمع زينه بعماد سوا
اجا المسا وكانت زينه قاعده بالكافيه تنتظر صلاح رفيقا
و هون بيوصل عماد و يصير يدور على صلاح ولكن ما بيلاقيه بيلاقي زينه قاعده وعيونا بجوالا
بيمشي عماد لعند طاولة زينه وبيوقف مقابيلا
بترفع زينه راسا لتتفاجئ بعماد
يتبع.....
ياترى مين زينه و شو قصتا و شو مخططات ندى
تابعوني بالجزء التاني
♡انا وبناتي♡
بقلمي
♡♡نسرين سليمان♡♡
أنا وبناتي
♡♡♡♡♡♡♡♡♡♡♡♡♡
الجزء الثاني
♡♡♡♡♡♡♡♡♡♡♡♡♡
زينه : عماااد!!
عماد : لساتك حلوة وبتجنني
زينه ؛ انت متفق مع صلاح
عماد : هههه لا والله هوي اتصل فيي لنلتقي هون
زينه : .......................
عماد : بقدر شاركك القعده
زينه : تفضل
بصير عماد يتطلع بعيون زينه الخجلانه وهيي بتحاول تخبي عيونا من نظراتو
عماد : مابدك تطلعي فيي
زينه : عماد الله يخليك خلص
عماد : طيب
زينه : شو بتحب تشرب
عماد و هوي عم يبتسم : نسيتي مشروبي المفضل؟
زينه نادت الكرسون : لو سمحت 2 قهوة وسط
عماد : معناتو ما نسيتي
زيته بتتجاهل السؤال : كيفك انت شو اخبارك وكيفا زوجتك قال اتزوجت!!
عماد : اممم يتعرفي شو
زينه : قلي!!
عماد والدمعه كانت عطرف جفنو : فيروز لما غنت كيفك انت ملا إنت كيفك قال صار عندك ولاد... يمكن يا زينه فيروز كانت قاصدتنا إلنا ههههه ايييييه اتزوجت ماشي الحال بس لهلق الله ما طعمنا ولاد
زينه : الله كريم
عماد : انشالله .... وانتي شو اخبارك كيفن اهلك وين صرتو
زينه : اهلي مناح و رجعنا لبيتنا رح نستقر هون
عماد وهوي مركز بعيون زينه : نسيتيني ما
زينه : أبدا بس انت بتعرف كيف كانت ظروفنا
عماد : لساتك بتحبيني!؟
زينه بتحاول تتهرب من الجواب
عماد : انا لساتني بحبك
زينه : انت استقليت بحياتك واخترت اللي بدك تكفي حياتك معا
عماد : زوجتي ما بتنجب للأسف و بدا ياني اتزوج
زينه : في مرة بتعمل هيييك!!!!!
عماد : اي ندى عملتا
زينه : الله يخترلك الخير
عماد : زينه انا ضيعتك مره بس هلق لا مارح اقبل تضيعي مني مره تانيه
زينه : شوو قصدك
عماد : بدياكي
زينه :مستحيييل اخرب بيت مره وغير هيك انا نسيت اللي كان بيناتنا
عماد : عمرن هالعيون ما كذبو عليي يا زبنه ليكي عيونك فضحوكي هاللمعه اللي فين مرسوم صورتي جواتن..
بتدمع عيون زينه وتسكت شوي وبعدين تقول : حاولت طالعك مني بس ما قدرت انت احتليت كلشي فيي قلي ليش مسيطر عليي كل هالقد...!؟
يمسك عماد ايد زينه ويشدا
زينه والخجل زين وشا اللي متل القمر والدموع اللي عم تكرج على خدودا : يااا الله شو عبالي قلك ياها للكلمه بسسس ما عادت من حقي يا عماد
بيضل عماد ساكت وايدو على ايد زينه ........
زينه : بحبك
...............................................
بتمر أيام ولقاءات عماد و زينه تكتر و ندى تنتبه لتغير عماد المفاجئ وبتصير تراقبو وتكتشف علاقتو بزينه
طبعا ندى يا أصدقائي كانت بتعرف حب عماد القديم
منكمل...
بتحاول ندى تجرجر عماد بالحكي بلكي بيعترفلا او يحكيلا عن سبب اهمالو إلها وهون بيستغل عماد الفرصه ويقلا انو بدو بتزوج
اجت اللحظه المؤلمه لندى اللي كانت دائما خايفه منها
قلبا من جوا احترق وغصت من كل روحا لأن هون اتأكدت لا زوج رح يبقى معها ولا في ولد يسندا ومع هيك ما بينت لعماد شي
ندى : انا من زمان بقلك اتزوج يلا الحمدلله انك اقتنعت
عماد : ندى أنا بعرف إنو هالشي صعب عليكي بس انا بدي ولد وبوعدك مارح قصر عليكي بشي
ندى ؛ بقدر أعرف مين هيي ؟
عماد : زينه
ندى تعمل حالا متفاجئه زززييينه ما غيرا!!!
عماد : اي بذاتا
ندى : كيف صار و رجعت مو كانت مسافره وكيف شفتا و عشو اتفقتو؟
عماد : بالصدفه عرفت بوجودا ولسا ما اتفقنا عشي لأن لسا ما خبرتا
بتسكت ندى وتصير تتخيل كيف رح يكون عماد بحضن مره تانيه غيرا و هالشي اللي بيخلي نار الحقد تشتغل بقلبا
بتمر شهور وبيقدر عماد يقنع زينه تتزوجو و يرجعو ماضيهن اللي سرقتو الظروف
كانت زينه تشتغل انسه مدرسه انسانه ما في اطيب من قلبا جمالا لافت محبوبه من الكل
بيتزوج عماد من زينه و بيعيشو احلى ايام وندى كل فتره والتانيه بتخلق المشاكل وتفتري على زينه بس كان دائما ميزان الحق بكفة زينه
بس الحقد الأسود اللي بقلب ندى للأسف رح يبلش يمتد ليخرب حياه زينه و زاد الكره والغل اكتر و اكتر من لما صارت زينه حامل
زاد غياب عماد عن ندى و الإهتمام كلو صار لزينه اللي رح تجيبلو الولد
...........................................
عماد : ايييي شو هالزياره الحلوة هي نورت المحل
صلاح : والله منور بصاحبو مع إني كتييير عتبان عليك
عماد : له يا استازنا الكبير ما بقدر على زعلك قلي بشو مزعلك انا؟
صلاح : من وقت انزوجت زينه ما عاد بينتو لكن أنا ادرى من العالم انك رح تصير اب!!!
عماد : والله حقك عراسي بس والله ما عم افضى و غير هيك ندى مجننتني بتضتلا تتحركش بزينه وانا واقع بين التنتين
بيضحك صلاح : مشحر يا زوج التنتين
عماد : ااااخ يا صلاح ااخ
صلاح : اوف شبك
عماد : ماني مرتاح لندى عم حسا مخبيه إلنا شي كبير
صلاح : كيف يعني
عماد : نظراتا لزينه نظرات غل و كره ما عم اعرف شوفي براسا يا زلمه
صلاح : لك لا تكبر القصه هاد طبع النسوان عادي مانا جديده..
..اللي بدي قلكن ياه هلق هاد الحديث اللي صار بين عماد وصلاح ضلو متذكرينو رح يفيدنا لبعدين ونسيت خبركن شغله يا جماعه صلاح بيشتغل محامي خلو ببالكن هالشي لأنو رح يتوكل بقضيه زينه المظلومه لبعدين
............................................
بتمضى فتر
ه ال 9 شهور على زينه وبيجي وقت ولادتا كانت حامل ببنت
زينه بتتصل بعماد عالمحل وتخبرو ليجي فورا عالبيت لأن صارت تتألم
بيتصل عماد بزوجتو ندى ااممرضه ليخبرا إنو زينه عم تطلق لتجهزلا الأمور لبين ما يوصلو ع المشفى لعندا
بيوصل عماد عالبيت بيحمل زينه ويحطا بسيارتو وعالمشفى فورا
وبتلاقيهن ندى اللي كانت مجهزة كلشي
وبنفس الوقت تجي حاله اسعاف تانيه لنفس المشفى كمان حاله ولادة
و هون يبدأ مخطط ندى الأسود
.......................................
يتبع......
ياترى مين اللي اجت بحاله الولاده التانيه وشو دورها بالقصه وشو مخطط ندى اللي عم ترسمو لزينه و عماد
تابعوني بالجزء التالت
♡انا و بناتي♡
بقلمي
♡♡نسرين سليمان♡♡
انا و بناتي
♡♡♡♡♡♡♡♡♡♡♡
الجزء الثالث
♡♡♡♡♡♡♡♡♡♡♡♡
بتولد زينه بنوته متل القمر بس كانت الطفله بحاجه لحاضنه و زينه تعبت كتير أثناء الولادة فقررت ادارة المشفى تخليها لتصح
بهالأثناء بتكون حاله الولادة التانية اللي صدفت مع حاله زينه بتكون كمان ولدت بنت بس للأسف الأم بتموت لأن قلبا كان ضعيف عالولاده ما اتحمل
عماد بيكون بمكتب مدير المشفى عم يتطمن عن حالة بنتو و زوجتو زينه وكمان ندى بتكون موجوده معو
بيدخل الدكتور احمد لمكتب المدير و بقلو : إنو الام اللي ولدت من شوي ماتت ومافي معا حدا وهيي ولدت بنت حطيناها للطفله بالحاضنه بس شو بدنا نتصرف مشان المتوفيه
المدير غسان : ليش مين جابا لهون عالمشفى؟
الدكتور احمد: شوفير تكسي
غسان : طيب ما معا شي يثبت شخصيتا؟
احمد : لا ابدا دكتور
غسان : طيب صوروها وابعتو الصوره لكذا جريده بلكي حدا يتعرف عليها
احمد : متل ما بتشوف
...طبعا يا اصدقائي كل هالحديث كان قدام عماد و ندى...
ندى : دكتور غسان انا رح روح شوف حاله الطفله بنت عماد و رح اتطمن عن حاله الطفله اليتيمه
غسان : ماشي اتفضلي
بتوصل ندى لغرفة الحاضنات و بتكون الطفله اللي ماتت امها رقم حاضنتها 6 و بنت زينه و عماد بتكون رقم حاضنتها 7
بتطلع ندى للحاضنتين بنظرة خبيثه فيها مخطط حقير وبشع
................................
بيدخل عماد لغرفة مرتو زينه يقرب منها و يبوسا من جبينا : الحمدلله عسلامتك يا عمري و مبروك ما اجاكي
زينه : الله يسلمك حبيبي مبروك لإلنا
عماد : يا عمري انتي
زينه : بدي بنتي خليني شوفا جيبلي ياها
عماد : حاضر هلق بخلي ندى تجيبا
بغرفة الحاضنات بتكون منار و ندى عم يتخانقو
منار : شو هاد اللي شفتوو لك مجنونه
ندى بضحكه شريره : عملت واجبون لعماد و لهالحيوانه زينه الزفت
منار : ولك بعرفك حقوده بس مو لهالدرجه انتي وحده بلا قلب
ندى : اي صح انا بلا قلب قلبي مات من زمااان من لما عرفت إني عاقر مابجيب ولاد مات من لما ركدت لزوج عماد قلبي مات يا منار من لما صار عماد بحضن زينه هههه اي مات من لما حبلت منو وهلق جايي تقليلي بلا قلب اييييي اتأخرتي كتييير بمعلومتك
منار : بس ما ذنب الأطفال مااا ذنبن والله حراام
ندى بتقرب من منار و تقلا : ليكي يااا حلوة اللي شفتيه هون بيضل هون وإلااا ما برحمك وانتي بتعرفي ندى لما تحط حدا براسا
منار : يا ويلك من ربك يا ويلك
ندى : هههه الله لك وينوو الله من كلشي صار معي ليكي بلا حكي فاضي خليني محترمه إنك رفيقتي واذا بسمع منك حرف باللي شفتيه رح ازعجك تمام مفهووم يا حلوة
يرن جوال ندى : اي عماد... طيب اي يلا جايي هلق بجيبا وبجي
بتحمل ندى البنت وتمشي
منار : الله يوفقك يا ندى لا تموتي الانسانيه بقلبك بترجاكي
بترجع ندى لعند منار والشرار عم يطلع من عيونا : اخرسي وما بقى تسمعيني صوتك
بتطلع ندى من الغرفه وبتترك منار اللي عم تحاكي حالا : اااخ والله ماني قدك ولا قد مشاكلك
بتصير منار تقرب من البنت اللي ضلت بالحاضنه رقم 7 وهيي عم تقول : يا حرام عليكي يا ندى
................................
...اصدقائي اللي ما عرف شو اللي عملتو ندى يرجع يدقق بأرقام الحاضنات..
...............................
بتدخل ندى غرفه زينه و حامله البنت بين ايديا بتهنيا لزينة بسلامتا وبتحط البنت بحضن زينه
زينه بتضحك وبتشم البنت و بتمسك اصابيعا الصغار وهيي عم تقول : نورتي حياتي با نور عيوني
بيضحك عماد ويقول : عفكره زينه بتعرفي حالك شو عملتي هلق؟
زينه : لا هههه شو عملت
عماد : انتي سميتيا لبنتك من غير ما تنتبهي
زينه : شو قصدك حبيبي
عماد : قلتي عنها نور عيونك و انتو تنيناتكن نور عيوني لهيك رح سميها نور
بتضحك زينه وبتضم عماد : وانا موافقه يا نور عيوني انت
كل هالحكي كان قدام ندى اللي نار الحقد حرقت كلشي اسمو انسانيه بقلبا
ندى وهيي عم تحكي مع حالا : هالغريبه نور عيونكن ايييه بتستاهلو هيك نور الله لا يقيمكن
عماد : ندى خليكي مع زينه بدي شوف مدير المشفى و ارجع بلكي منخرجا لزينه اليوم
ندى : اي بعيوني لا توصي حريص
بيطلع عماد من الغرفه تارك الضراير سوا
زينه : ندى انا كتير بتشكرك على اللي عملتيه معي
ندى : لا تتشكريني هاد واجبي كممرضه
زينه : صح انتي ممرضه بس انا عم اشكرك لأنك ما عاملتيني كضره بهاللحظه لحظه ولادتي
ندى بتحكي مع حالا : هه يلعن ابوكي عم تشكريني يا بنت الكلب احمدي الله ما قتلتلك ياها
زينه ؛ ندى ليش سكتي فيكي شي ندى ندى
ندى : اي اي معك المهم هلق نطالعك من المشفى
عماد بيفوت مكتب المدير غسان اللي كان معصب
عماد : شبك دكتور ليش معصب
غسان : اتخيل با رجل الام اللي ماتت امبارح لهلق ما حدا اتعرف عليها مع انو عممنا صورها بكل الجرايد
بهاللحظه ببدخل الدكتور احمد : دكتور في مره برا بدا تحاكيك بخصوص اللي اتوفت امبارح
غسان ؛ شو ناطر دخلا فورا
بتدخل المره ويقعدا غسان
غسان اتفصلي مدام عندك شي تخدمينا فيه او اي معلومه عن المرحومه
المدام : اي عندي بس للأسف متل قلتا معلوماتي
غسان : احكي مدام
المدام :
هي المره اسما صفاء كانت جارتي اهلا سافرو برا البلد وهيي بقيت هون مع حبيبا اللي اتزوجتو غصبن عن اهلا واهلو ضلت مع زوجا قريب السنتين بعدين يا حرام اتوفى بحادث وبهالمحنه ما حدا من اهلا او اهلو وقف جنبا
غسان : اوف ليش هالحقد كلو
المدام : لأنن من غير طائفة ولتكمل مع المرحومه مات زوجا و هيي حامل بالشهر التاني
غسان : ايوااا طيب كيف فينا نتواصل مع العيلتين لانو لازم نسلم المرحومه والصغيره كمان لشي حدا من طرفا
المدام : هدا الشي اللي جايي من شانو انا يا دكتور من لما شفت الخبر بالجربده حاولت اتواصل مع اهل المرحومه او حتى اهل زوجا ولكن للأسف العيلتين متبرايين من ولادن وما في اي تفاهم معهن
طبعا عماد كان حاضر عالحكي
عماد : والله يا دكتور لاتستغرب لما مات ابنن ما وقفو مع مرتو هلق بدك منن بجو يستلمو الجثه والطفله!!!
غسان : طييب شو الحل احترت
عماد بيشرد شوي والدكتور ما عرفان شو يتصرف
عماد : دكتوور لقيتا لقيتا عندي حل
غسان : شووو دخيلك اسعفنا فيه
عماد : انا رح استلم جثة المرحومه وكمان البنت
غسان مستغرب : شو قصدك وضحلي أكتر
عماد : انا رح اتولى مراسم دفن المرحومه هاد اولى شي هلق لأن اكرام الميت دفنو والبنت رح تبقى تحت رعايتي لحتى الله يحنن قرايبينها عليها ورح ربيها متل وكأنها من صلبي
غسان : بس هاد حمل كبير عليك شو دخلك انت
عماد : لوجه الله تعالى اللي رح اعملو بتمنى توافقلي عليه
غسان : ليش عندي حل تاني قول الله
................................
بتتلاقى منار و ندى بممر المشفى
منار : ندى خليني احكي معك شوي بترجاكي
ندى : طيب تقضلي عالمكتب
بيوصلو للمكتب وتصير منار تترجى ندى تتراجع عن اللي عملتو
تضحك ندى وتقول : لك مجنونه ماني حقوده لعب الشيطان بعقلي شوي بس بعدين صحيت لحالي انا رجعت كل بنت لحاضنتا لاتخافي البنت الحقيقية بحضن زبنه
منار : اي الحمدلله هلق ريحتيني
ندى بصوت واطي : تضربي شو هبله
............................
يرجع عماد لعند زينه ويتصل بندى ليقلن ويحكيلن كلشي صار بمكتب غسان وإنو رح يتبنى البنت ليفرجا الله عليها
زينه : ياا حرام شو ذنب هالطفله لك يلعن ابو الظلم
عماد : اي زينه شو قلتي شو رأيك اتبناها
زينه : متل ما بدك رح حطا بعيوني رح عاملا متل بنتي نور تماما
عماد : لك الله يخليلي ياكي يا حنونه وعفكره رح سميها رهف على اسم امي
ندى كل الوقت ساكته لأن مخططا بإنو تبعد البنت الحقيقيه عن ابوها وامها فشل و رح تعيش معهن بالتبني
................................
يتبع.....
برأيكن شو مخطط ندى التاني
و الأهم من هيك صديقكن صلاح اتذكرتوه؟؟ اييي تماما براافوو عليكن الشب المحامي رفيق عماد و زينه...يا ترى رح يثبت جدارتو كصديق وكمحامي شاطر بالأحداث الجايه
انتظروني بالجزء الرابع لتعرفو
♡انا و بناتي♡
بقلمي
♡♡نسرين سليمان♡♡
انا وبناتي
♡♡♡♡♡♡♡♡♡♡
الجزء الرابع والأخير
♡♡♡♡♡♡♡♡♡♡♡
عماد يتولى أمور الدفن ويوكل صلاح رفيقو المحامي بأمور التبني القانوني لرهف اللي اساسا هيي بنتو الحقيقيه
سجل صلاح رهف باسم عماد الأب القانوني إلها
وعاشو البنتين رهف و نور بحضن عماد و زينه متل كأنن توأم
صارو البنات يكبرو ويتعلقو ببعض أكتر واكتر والحب اللي بيناتن ما صار بين أختين من قبل و عماد و زينه متفقين ما يخبرو رهف انها بنتن بالتبني
عماد : ليكي زينه بعمرنا ما رح نخبر رهف انو هيي مو بنتنا وبس يجي حدا من قرايبينها الله يقدرنا لنخبرا بس من هون لوقتا هيي توأم نور
زينه : ليش هيي شو بتفرق عن نور اااخ يا عماد عم حسا شقفه مني قلبي بيلهفلا وكأنها بنتي من روحي الله لا يجيب هداك اليوم ويجي حدا ياخدا من حضني هيي و نور كل حياتي
عماد : الله يقدرنا لنربيهن ونكبرن ويصيرو عرايس
طبعا ندى ما كانت تحل عن زينه بالإزعاجات و دائما بتحاول تخرب بيتا لزينه مع عماد بس لما اتأكدت مافي فائدة من انو تكره عماد بزينه صارت تشتغل على منوال تاني
صارت تشتغل لتدمر حياه عماد و زينه سوا
صارت تهددن رح تخبر رهف انو مو بنتن وهالشي اللي خلا عماد يجن جنونو
عماد : ازا بتفتحي تمك بحرف ياويلك مني فهمانه وإلا بحرقك وانتي عايشه.. رهف كبرت وصارت صبيه والخبر هاد رح ينهيلا حياتا اوووعك تتغابي يا ندى اوعك
ندى : انااا بدك تحرقني ليييش يا بعدي عأساس لسا ماحرقتني لكك من زمااان عم تحرقني ومانك حاسس صارت زينه و بناتا كل حياتك وانا براا ماشي يا عماد بفرجيكن
عماد : انا حذرتك انتبهي
...........................................
نور : اهلين بابا وين كنت
عماد : كنت عند خالتك ندى بالبيت
رهف : بابا حبيبي جيبا تعيش معنا
عماد : هههه انشالله....وينا امكن مو شايفا
نور : عم تعمل غدا فايته ساعدا
رهف : بابا بدي اسألك سؤال
عماد : اي حبيبتي اسألي
رهف : انا و نور توأم؟
بينصدم عماد : ليش ندى قالتلك شي
رهف : هههه شو دخلا ندى انا عم اسألك ليش نحنا توأم بس ما منشبه بعض
يتنفس عماد ويقول : هههه يلعن هبلك صرتي كبيره وما بتعرفي لك بابا انتو توأم كذابي مو حقيقي صح كنتو ببطن واحد بس ما بتشيهو بعض وهاد بيسموه توأم كذابي
بتضحك رهف : عنجد هبله انا هههه فاصله الله يساهد
بتمر ايام وبيكون مخطط ندى الإنتقامي صار جاهز
................................
بيندق باب ببت زينه وبتكون ندى
زينه : اهلين ندى تفضلي
ندى : شو وين البنات؟
زينه : بالجامعه
ندى:................
زينه : عماد قلي بأنك بدك تخبري رهف كلشي
ندى : كنت معصبه مو اكتر لاتخافي مارح خبرها شي
زينه : شكرا...لكن رح فوت اعملك قهوة
ندى : طيب
بتطلع ندى عالطاوله بتلاقي خاتم زينه عليها : اي اجييييت والله جابك وبتحط الخاتم بشنتايتا
تجي زينه حامله القهوة بيشربو القهوة سوا وتروح ندى لبيتا
................................
بعد يومين يجي صلاح زياره لبيت عماد
صلاح : شووو ما شالله نور و رهف متل زرار الورد الله يخليهن الكن وتشوفوهن بأعلى المراتب
عماد : لك الله يسلمك غاليي
نور و رهف سوا : تسلم عمو
زينه : يا بنات نسيت اسألكن شفتولي خاتمي مدري وين حطيتو؟
رهف : لا امي
نور : شفتو عالطاوله من يومين
زينه : ما عاد لقيتو
عماد : حتى لو ما لقيتيه بجيبلك غيرو ام نور
صلاح : عماد وانا كمان ضيعت خاتمي جيبلي بدالو هههه
وبيضحك الكل
................................
ندى : الو كيفك
مجهول : اهلين معلمتي
ندى : شو جاهز عاللي قلتلك عنو
مجهول : اي ولووو خدامك
ندى : برافو عليك يا شوكت ومتل ما اتفقنا كلشي بحسابو رح اكرمك منيييح المهم تخلص شغلتك متل ما فهمتك
شوكت : منتهيه بسرعه ميه ناطر اشاره منك
ندى : اوكيي يا وحش بس ابعتلك رساله فورا بتنفذ الخطه
بتجي ندى لبيت زينه وبيكون عماد بدو يطلع من البيت
ندى : شوو اجت الشياطين هربت الملائكه يعني!!!!!
عماد : مو هيك بس عندي شغل لازم روح بسرعه
زينه : فوتي ندى انا لحالي منتسلى لبين ما يجو البنات
عماد : يلا انا رايح سلام
ندى و زينه : الله معك
بتفوت زينه لتجيب ضيافه
ندى بتمسك موبايل زينه اللي كان عالطاوله بتبعت رساله لشوكت : نفذ الخطه قبل ما يوصل عماد عالسياره
وتمسح الرساله وترجع الموبايل لمكانو
................................
بالمشفى صلاح وغسان فرطانين بكي
غسان : الله يرحمك يا عماااد
صلاح : دخييييلك يا الله ليش ليش
الدكتور سعد : اهدو مشان الله
صلاح : لك مات عماد مات الغالي يا الله دخيل اسمك
غسان يخبط راسو عالحيط : كيف بدنا نخبر مرتو وبناتو فهموني
الدكتور سعد : الله يرحمو الحادث كان قوي السياره محترقه تماما و جثتو مفحمه كتير ما فينا نخلي اهلو يشوفوه مستحيل
صلاح وهوي عم يبكي : انا بتصرف
بتعرف زينه وبناتا بالخبر الصعب و على بكي و صريخ
زينه : اتيتمتو يااا امييييي على بكيير
نور : ليش تركتنا يا باباااا
رهف : يا حبيبي مات قلبي من بعدك يا حنوون
بتضم زينه البنات لصدرا ويصيرو يبكو وندى تعمل حالا عم تبكي حتى ما تشكك حدا
وصلا
ح قاعد يهدي فيهن
بعد ساعات بتجي الشرطه لبيت عماد وبيفتحلن صلاح
الضابط : وينا زوجه المرحوم
صلاح : اي وحده منن خير شوفي
الضابط : معناتو بدنا التنتين يجو معنا عالمخفر
صلاح : طيب فهمني شوفي
الضابط : بالمخفر بتعرفو
بتروح زينه وندى وصلاح عالمخفر وهنيك يقلن الضابط انو عماد مات قتل بفعل مدبر لأن اكتشفنا فرامات السياره مقطعين ولقينا خاتم بأرضيه السياره والخاتم بيعود للشخص المدبر حتما وبيسأل الضابط هالخاتم لمين ؟
ندى : لزينه
زينه : اي الي
الضابط : شو جابو للسياره وبلحظه الحادث
زينه ؛ مابعرف والله مابعرف
الضابط : اسف مضطر وقفك عنا بتهمة القتل
ندى بتهجم على زينه : قتلتيه يا مجرمه
صلاح : مستحييل زينه تقتل حدا سياده الضابط لأن من الطبيعي تلاقو شي يخص زبنه بسيارة زوجا
زينه : انااا بقتل!!! .....لك هاد زوجي حبيبي ابو بناتي كيف بتتهمني بقتلو
الضابط : اسف بدك تبقي عنا ليخلص التحقيق
صلاح : لا تخافي زينه انا معك
بيطلع صلاح وندى من المخفر تاركين زينه بالسجن
كانت ندى من جواتا فرحانه لأن اتخلصت من التنين سوا واحد مات والتاني للسجن
بيشرح صلاح اللي صار للبنات نور ورهف والكل ما بيصدق الحكي مستحيل زينه تقتل عماد
اثناء التحقيق مع زينه بتكتشف الشرطه من شركه الاتصالات انو في رساله طالعه من جوالا لرقم غريب مكتوب فيها ..نفذ العمليه..
هاد الشي زاد التهمه على زينه للأسف وصارت الشرطه تلاحق اللي استلم الرساله
صلاح يطلب مقابله زينه كمحامي إلها
صلاح : زينه شو جاب الرقم لجوالك ومين هاد
زينه : والله مابعرف مابعرف
صلاح : الرساله طالعه قبل الحادث بشوي مين كان عندك وين كان جوالك
زينه : ...........كانت ندى عندي وفتت اعمل قهوة وتركت الجوال عالطاوله قداما
صلاح : ندى!!!! معقول هيي اللي!!!!!..ويصير صلاح يتذكر كيف كان عماد يقلو إنو في شي براس ندى و ماني مرتاحلا ....طيب تتذكري لما ضاع خاتمك مين اجا لعندك
زينه : كمان ندى
صلاح : معقوووول ....!!!!....انا لازم شوف الضابط برجعلك برجعلك
يروح صلاح ويخبر الضابط باللي حكتو زينه وانو لازم نعمل كشف لإتصالات ندى
وفعلا بيتراقب الرقم وبيطلع في تطابق بين الرقم اللي طلعت إلو الرساله من جوال زينه مع الرقم الموجود بسجلات المكالمه عند ندى
واثناء تتبع رقم شوكت ينقبض عليه وبيعترف على كلشي بإنو ندى خططت لكلشي وهيي اللي عطتو الخاتم وطلبت منو يقطع فرامات السياره ويرمي الخاتم بقلبا
بتروح الشرطه لتقبض على ندى اللي كانت عم تحاول تهرب بتصير تركد والشرطه وراها وبهالأثناء بتدعسا سياره ويسعفوها عالمشفى كان وضعها الصحي محرج جدا
بتطلع زينه من المخفر بحكم البراءه
.....................................
بالمشفى كانت منار هيي اللي عم تشرف على حاله ندى التعبانه كتير
منار عرفت باللي عملتو ندى انو هيي اللي قتلت زوجا عماد وصارت منار تتذكر وقت ندى بدلت البنتين
منار : هيك وحده مستحيل في بقلبا جنس الرحمه معقووول يومها تكون كذبت عليي و ما بدلت الطفلتين اممم انا لازم اتأكد
بتروح منار فورا لعند زينه عالبيت وتطلب تشوفا على انفراد من غير البنات وتقلا شو صار بهداك اليوم
تصير زينه تصرخ وتنهار اعصابا وتطلع فورا عالمشفى لعند ندى لتسألا اذا بدلت البنات وقتا او لأ بتوصل زينه و منار لغرفه ندى اللي كانت بآخر انفاسا
زينه وهيي عم تبكي : ندى ندى سامعتيني مشان الله ردي
بتحاول ندى تفتح عيونا
زينه : بوس ايدك قليلي انتي بدلتي البنات بهداك اليوم كرمال الله ريحيني
بتحاول ندى تحكي بس ما واضح صوتا
زينه بصوت يقطع القلب : اتتي عطيني اشاره مين فيهن بنتي نور ولا رهف كرمال الله ريحي قلبي
بتشهق ندى شهقة الموت
اي نعم يا اصدقائي ماتت قبل ما تحكي لزينه مين بنتا الحقيقيه
زينه بتصير تشد ندى الميته من ايديها : لااااا لا لا تموتي كرمال الله فتحي عيونك قليلي مين بنتييي لااا دخيلك ياا ربييي رجعهااا ندى ندى...........يااللللله
................................
بترجع زينه عالبيت وانتو اكيييد اتخيلتو كيف حالتها اللي بتبكي الحجر بتركد عالبنات وبتضمن لصدرا وتشمن وتبوسن : ياا عمريي انتوو يا روحي دخيلك يا الله صبرني
البنات نور و رهف مستغربين تصرف امهن ويصيرو يبكو على بكاها
تنزل زينه عالأرض وهيي ضاممتن للبنات
نور : ماما شبك شبك
رهف : دخيلك يا امي شبك بوس ايدك شو صاير ليش عم تبكي
زينه اللي فارط قلبا من البكي تحكي بقلبا : يا الللله مين فين بنتي يااااربي مين اللي حملتا تحت قلبي 9شهور مين اللي من صلبك يا عمااد وتصير زينه تقوي ضمتا للبنات وكأنها بدا تدخلن لجوات صدرا
............................... ............
انتهت القصه وما عرفت زينه مين بنتا الحقيقيه وضلت تعامل التنتين كأنو بناتا من روحا و روح عماد
ونور و رهف ابدا ما عرفو بكل اللي صار هنن ضلو مفكرين حالن توأم وضلو عايشين مع امهن زينه اللي كانت علاقتن بالحب اسطوريه لحد ما اتخرجو وصارو عرايس
♡♡الف تحية محبه وسلام لكل أم عظيمه بعظمة زينه
وبهدي هالقصه لكل امهات الدنيا
ليست هناك تعليقات:
إرسال تعليق