#بصيص الأمل
#الجزء الأول
ليال : بابا الله يوفقك خدني مشوار 😥 امممم طعميني شاورما مشتهيتا كتيير
ابو ليال : بس بنتي وقت كنتي عند امك اكلتي شاورما
ليال :بابا الله يوفقك بحبا كتيير
ابو ليال: امري لالله سبقيني ع السيارة خدي المفاتيح قعدي فيا لبين ما اجي ووشوف مرت ابوكي اذا لازمها شي للبيت
ليال : يااااي !! بحبك يا احلى اب بالدنييي
ابو ليال: اي اي كاشفك يا زعرة ، سبقيني يلاااا
راحت ليال هيي وابوها وطعماها وشترالا كل شي بتحبو
خليني احكيلكن عن ليال ليال بنت صغيرة عمرا 7 سنين بتحب ابوها لدرجه كبيييرة كتييير وهيي وحيده بنت بعيله عمامها لهيك مدلله كتيير بس ياترى بدوم هالدلال ؟ خلونا نشوف شو رح يصير .
الساعه 5 الفجر بيندق باب بيتهن بيطلعو رجال ملتمين بيطلبو ابو ليال وبيطلبو اوراقو معو بتفوت ام ليال ومرت ابوها ع الغرفه تبع ليال وبتطلع الاوراق وبتحس ليال وبتحكي لامها .. ليال : ماما شوفي لي هيك ملبكه ومتوترة وعم ترجفي ؟ شوفي بابا وينوو ؟ بس امها بتسكت ومابترد وبتطلع لبرا الغرفه وليال بتلحقا بتشوفن عم يشحطو ابوها وبتصير تصرخ وتعيط مشان يتركوه بس ماحدا برد حتى الجيران قفلو بوابهن من الخوف 💔 بتمرق ايام ومرت ابوها بتضل تدور على ابو ليال بس مافي اثر وبيقطعو الامل ماعدا ليال .. بتمرق شهور وبتصير مرت ابوها تخلص اقامتها لأنها من برا البلد وبتقرر ترجع لعند اهلا واما ل ليال بتخاف تضل لحالا هيي وليال واخوها الصغير سراج
وكمان هيي بتطلع لعند اهلا وهون بتخلص حكايه ليال بالشام وبتبلش بمكان تاني ... بتطلع ليال ع دار جدا ع تركيا وبتصير صف رابع هيي شاطرة كتير بمدرستا وبتمرق السنين لتصير صف سابع وبتضلا مستنيه ابوها ومو قاطعه الامل منو .. بتبلش السنه الجديدة وبتتعرف ع بنات بس ماقدرت تلاقي البنت الي تصير رفيقتا وهيك ضلت تحس حالا وحيده ماعندا حدا تحكيلو أسرارا ومشاكلها لتصير بنت حساسه كتيير وكلمه بتبكيا وكلمه بتضحكا بس الحزن بقلبا كان معشعش وما عم يطلع كانت هديك سنه مو سهله ابدا عليها كانت بشعه بكل معنى الكلمة وبتمرق هديك السنه بكل برود وبدوون احداث مهمه طبعا عدا مشاكلا مع امها لانو امها بتفضل اخوها عنها كتيير بتحبو وبتدللو اكتر من ليال وبتمرق سنين لتصير بكالوريا وهون احداثا المهمه الي قلبت حيات ليال راسا على عقب
بيوم كانت راجعه من المدرسه بيستوقفا صوت خالها : هي اخر كم يوم الك فهمتي نحنا ماعنا بنات تطلع ع المدرسه وبطيخ مبسمر اخرتك لبيت زوجك فهمتيي وهلا نقبري ضبي البيت مع النسوان يلاا تضربي انتي وهالتربايه
ليال : خالو انتا بتمون بس ما تواخزني انا حلم ابي رح حققو ورح أطلع انسانه ناجحه وخلي اسمي يبين مع النجوم ورح خلي الكل يقول يا محلا خلفتك يا ابو سراج ورح يجي يوم وانتا بحد ذاتك تكون فخور فيي وبتشوف . يلا بالازن فايته غسل وحط الغدا .. فاتت ليال وهيي مخنووقه حطت شنتايتا وفاتت تغسل فتحت المي وصارت تبكيي لدرجه دموعا كانو اكتر من المي الي نزل بعد دقيقتين غسلت وتطلعت ع المرايه وقالت ليال : انا مارح اضعف مارح خلي كلامن واستهزائن فيي يأثر عليي بابا تأكد رح حقق حلمك وخليك فخور فيي
طلعت ليال وساعدت نسوان خوالا وخلصت وفاتت تدرس وهيي عم تدرس بيجيها مسج بتكون رفيقتا عم تخبرا انو نخطبت وبعد اربع ايام حفله الخطبه و تعزما مشان تجي بتدقلا ليال وبتباركلا وبتقلا رح اجي
بتمرق الايام وبصير موعد الخطبه بتخبر خالا وبتروح هيي ومرت خالا بتلبس فستان قصير لحد الركبه لونو ازرق من لون عيونا الوساع بكون لابق ع بشرتا البيضه بتكتفي بحمرا وشويه مسكارا وبتفرد شعرا الطويل السبل الي لونو دهبي غامق لتبرز ملامحا الملائكيه
وصلو عالحفله كان كلاا ناس كباار وشرطه وهيك لانو خطيب رفيقه ليال كان ابن اغنى رجال الأعمال بالبلد وكان مع الشرطه .. كانت الحفله فخمه كتيير فاتت وسلمت ع رفيقتا وراحت وقفت ع جنب هيي ومرت خالا مع النسوان وهيي عم تحكي وتضحك بس كان في عيون عليها مانشالت من فاتت عم تناظرلا بطريقه حيوانيه وشهوة وسخه .. فاتت ليال ع الحمام وكان فاضي ليال : يالله راسي رح يفجر لازم روح بلا ما أتأخر وفجأة في صوت من وراها عم يقول .. مجهول : له له له مبصير الحلو يروح هيك وصار يقرب منها وهيي ترجع لورا صار يطلع عليها بطريقه مقززة ومقرفه وهيي مرعوبه وخايفه اجت لتهرب حط ايدو قبالها واجيت لتدير ه الجهه التانيه كمان حط ايدو وصارت تبكي وتحاول تبعدو عنها وصرخت صوت بس ماحدا سمعا ... اما براا كان في شب بدو يروح ومرق من جنب الحمام بس ستوقفو صوت ليال كانت عم تصرخ بالأول تردد لحتى يفوت لانو هاد حمام نسوان بعدين شاف الصراخ ما خلص وبنت عم تقول ساعدوني وفجأة بدون تردد فات وشاف ليال والشب عم يحاول يعتدي عليها فات وضربو وبعدو عن ليال ... ليال كانت خايفه كتيير ماشافت حالا غير حضنت الشب بلا وعي وصارت تبكي هوا ماعرف شو يعمل بس حس دقات قلبو رح تطلع قلبو من مكانا كان عم يرجف وقت حضنتو ليال .
.. اما ليال كانت حاضنتو ومتمسكه فيه بكل قوتا وعم تبكي وتشهق كانو صرلا سنين مو بكيانه .. بس حست ع حالا بعدت عنو وهيي خجلاانه كتيير وعيونا بالارض وقالت ليال : اسفه بس خفت. ماحسيت ع حالي . شكرا لانك انقزتني لو ما اجيت ما بعرف شو كان صار . ورفعت عيونا لتشوفو وبتلتقي عيونن سوا وبضيعو تنيناتن بعيون بعض بعدين بتحس ع حالا وبتأشر بايدها ع وجهو : يا اخ وين شارد ؟ هوا بيصحى ع حالو بكلمتا الاخيرة بقلا : لا ولاشي عادي ولا يهمك هاد واجبي .بعدين بنت حلوة متلك مابصير تضل لحالا يا انسه ..؟ بترد ليال : ليال اسمي ليال .. وبرد الشب : تشرفت انسه ليال وانا وطن ضابط شرطه .. ليال : تشرفت استاز وطن شكرا مرة تانيه يلا بالازن.. طلعت ليال وتركت وطن بحاله لا يحسد عليها كان ضايع فيها بعيونا الي كانو مدمعين متل البحر وشعرا السابل ونعومتا ورقه صوتا وشعورو وقت حضنتو .. خلونا نحكي عن وطن وطن شب طويل بعضلات جسمو بنيتو حلوة ببشرة حنطيه وعيون بنيه مكحلين ورموش كثاف ولحيه مهذبه بشكل عام كان عصبي وصارم بكل الامور وجدي بس قلبو طيب وحنوون يعني شب بجنن وحلم ايا بنت بس مع هيك ولا بنت قدرت تملك قلبو ولاحتى قدرت ايا بنت توصلو للحاله الي وصلتو ليال الها منرجع لقصتنا 😊
صحي من شرودو ع رنه هاتفو وطلع برا الحمام
(خلونا نروح شوي عند ليال )
ليال : مرت خالو امشي نروح خلص تعبت وراسي وجعني
مروة (مرت خالها ) : يووه بنتي شبك شو صرلك هلا كنتي منيحه شو صار معك
ليال : ماصار شي بس تعبت يعني عندي مدرسه بكرا امشي الله يوفقك
مروة: طيب امشي يلا
راحو عالبيت بس كان في عيون مراقبتا لوصلو البيت
فاتت ليال ع غرفتا وهيي بعدا خايفه من الي صار حتى ما فكرت ب وطن من وقت ما فاتت عالبيت غسلت وتسطحت ع تختا ... ليال : يالله ساعدني ماعم انسى الي صار ولو مافات هداك الشب أبصر شو كان صار الحمدلله ... بعدين خطر وطن ع بالا وتزكرت دفا حضنو وريحتو وقت حضنتو وكيف حست بالامان وعيونو البنيه ولحيتو كان بجنن غفيت وهيي عم تفكر
تاني يوم الصبح فاقت لبست وفطرت وراحت ع الباب لتطلع ع مدرستا بس بتسمع خالا بناديلا وبقلا .. خالا : يااا بطيخه وين منقلعه انا شو حكيت من كم يوم اااه ولا حضرتك ماعندك احترام لحدا بهالبيت
ليال(وهيي مخنوقة ): بلى خالو بس اليوم رايحه ودع رفقاتي .. طلعت ليال وهيي عم تبكي كل الطريق واجت لتقطع الشارع من عيونا البكيانه ومن زعلها ما نتبهت انو كانت رح تصدم بسيارة بيطلع صاحب السيارة وبيركض لعندا مجهول : يا انسه صرلك شي انا اسف بس انتي اجيتي بوجهي ... بترفع ليال عيونا لتشوف عيونو نفس العيون ونفس الريحه بيطلع وطن
ليال : (بقلبا : وطن!!) :لا لا انا الغلطانه ماشيه وما عم انتبه حقك عليي بعتزر .. اجت لتمشي بس ستوقفا صوتو
وطن : انسه ليال حاج تبكي عيونك عيونك كتير حلوين
ليال (ابتسمت وعيونا مليانين دموع ) : ههه ليش مين ما بحب يبكي عيوني .. يلا عن ازنك انا تأخرت ع دوامي
بتروح ليال ع مدرستا وبتضل تفكر بحكي وطن وجملتو ( حاج تبكي عيونك عيونك كتير حلوين)
ليال : ههه قال عيوني حلوين !!! اااخ ع حظك يا ليال شو رح اعمل ياربي كرمال مدرستي افففف اتركا ع الله احسن شي .. بعد شوي شافت وحده من رفقاتا ونادتلا ليال : رنااا لك ياارنا لك ياهييي شبك ماعم تردي منطرشه !
رنا (و متوترة شوي ): اه اي اي بس كنت شارده .. كيفك انتي شو اخبارك
ليال : الحمدلله اااخ يا رنا خالي معند وماعم يقبل ارجع للمدرسه اففف شو اعمل رح طق
رنا : طولي بالك حبيبتي بحلها ربك
سكتو شوي وبعدين حكت رنا : لك لولو شوفي هداك الشب ماشال عيونو عنك يابنت بس بتعرفي مزززة ههه
ليال (بقلبا :هاد وطن شو جابو لهون ) : ااه مين اي شو بعرفني بجوز مشبهني لشي حدا شو بدك فيك انتي امشي نروح يلا
رنا : يلا
راحو وع نص الطريق افترقو وبهالوقت بتسمع ليال حدا بيندهلا باسما
وطن : انسه ليال وقفي شوي
بتلتفت ليال : اهلين استاز وطن تقضل في شي ؟
وطن : لا بس كان بدي اعرف اذا ماعندك مانع ليش كنتي عم تبكي ؟ وقرب من ليال شوي وصارو قراب من بعض ولتقو عيونن سوا و وطن ضاع ب بحر عيون ليال وليال ضاعت بجمال عيونو البنيه الوساع وكانو عيونن عم يحكو قصه عشق مالها نهايه وقلوبن عم تدق بالثانيه مليون مرة بعدين صحيو ع شرودن وقالت ليال : عفوا بس شو بدك فيي وشو بهمك ولا ع اساس رح تقدر تساعدني !
وطن : انسه ليال يمكن فيي ساعدك تحلي مشكلتك واذا ماقدرت ع الاقل بكون سمعتك وفضيتي الي بقلبك
حكيلي ولا تترددي انا بسمعك
ليال كانت ضايعه بين كلماتو المليانين حنيه ودفا وحست انو لقت نصا التاني لقت انو هاد الحدا الي مالقتو بعدا وعم تستناه
#الجزء الثاني
ليال : خالي منعني من المدرسه وهاد اخر يوم لهيك مو عارفه شو اعمل انا بحب مدرستي وبدي حقق حلم ابي ويشوف بنتو اسمها بالعالي اااخ
وطن : لي وينو ابوكي ؟!
ليال : قصه طويله كتيير
وطن : اذا ماعندك شي امشي عازمك ع فنجان قهوة وبتحكيلي كل شي اذا بدك
ليال : اه .. اي ماشي بس مارح نطول ماشي
وطن : اي تمام يلا
وصلو ع الكافيه وحكتلو كل شي عن حياه ليال وهوا عم يسمع باهتمام
ليال : وهي هيي قصتي واليوم رح تكبر مشكلتي اذا تركت المدرسه
وطن : عندي حل تركي هالشغله عليي خلص
ليال بفرح : عنجد !! شكرا شكرا كتيير مابعرف كيف ردلك معروفك بس اذا بيمشي الحال رح ضل ممنونتك كل عمري
وطن : لا ولو الشكر مو بينا الرفقه .. بالمناسبه بتقبلي تكوني رفيقتي ؟ ومد ايدو
ليال : اي اكيد بقبل استاز وطن
وطن : لو سمحتي بلا استاز هيك وطن احلى اوك رفيقتي (وغمزها وضحك )
ليال وهيي خجلانه وحمروو خدودا : اي اكيد بقبل .. ومدن ايدا وسلمت عليه
ليال : يلا صار لازم امشي لأني تأخرت ع البيت وشكرا ع القهوة رح ردها بشي يوم
وطن : ولو رفيقتي مو بينا امشي وصلك يلا
وصلها ع البيت وليال طايرة من الفرحه اول مرة بتحس بهيك شعور غريب وحلووو والضحكه مافارقت وجها وأول ماشافت باب بيتها رجعت عبست ونفخت بقهر وفاتت
ليال : مرحبا
ام ليال : اهلين بنتي وين كنتي وليش طولتي
ليال : ماما تمشيت مع.رفقاتي اليوم وحكينا واخدنا الوقت
ام ليال : اي يلا فوتي غيري وتعي ساعديني
ليال : يلا جايه
تغدت وصار المسا فاتت ع غرفتا وبلشت تلعب بالهاتف بملل وضجر (خلونا نروح نشوف وطن شو عم يصير معوو )
مجتمعه العيله ومندمجين بالحكي ماعدا شخص واحد كان شارد وبعالم تااني بعيد عن الواقع غمض عيونو وشافا عم تمشي اتجاهو بفستانا البنفسجي الملكي الي شاحط وراها وكتافو نازلين وتسريحه شعرا الهاديه وملامحا الملائكيه الطفوليه ومبتسمه لحد ما وصلت حدو وقالت ليال : شو حبيبي كيف طالعه ؟
وطن : بتجنني يا اميرتي اسم الله حولك وحواليكي الله يحميلي ياكي من عيون الحساد
ليال خجلت وابتسمت: وانتا حبيبي طالع بتجنن تقبر قلبي
واخدا بحضنوو وصار يمشيها ع انغام دقات قلبوو وقرب منها وانفاسهن اختلطت قرب ليبوسا ويخلط روحا مع روحو فجأة بيصحى من خيالو ع صوت اخوه
جود : شبك وطن وين شارد ؟ شو كانو في حدا ماخدلك عقلك (وبيغمزو وبيضحك )
وطن : كول هوا تركت الكل واجيت عليي تضرب قوم ولااه ع دراستك قوم بس شاطر طق حنك (وبيضربو بالمخده )
جود: ايييه شو علي يا حضرة الضابط وطن رح اكشفك ورح اعرف مين تعيسه الحظ الي اخده عقلك وبتشوف يلا تصبحو ع خير
وطن نقلع ولااه فصعون (وبزت المخده عليه ) ههه
الكل : ههههه
بروح وطن ع غرفتو وبيقعد ع طرق التخت
وطن : اااخ شوو عملتي فيي يا بنت جننتيني يالله
طلع هاتفو ليحكي معا بس تزكر انو ما اخد رقما
وطن : ييييه كيف هيك ماباخد رقما شو غبي طلعت اففف يلا بكرا بشوفا وباخد رقما
بصير الصبح وبفيق الكل
ب بيت ليال
ليال : خالو الله يخليك خليني روح والله من مدرستي لبيتي والله
خالها: فوتي ليال ع غرفتك وبلا نقاش خلص
ليال اجت لتحكي بتقاطعا. رنه تلفون خالا وبيطلع يحكي برا بعد شي ربع ساعه بيرجع وبينده ل ليال : تعي ياليال خلص روحي ع مدرستك بس يا ويلك هيك او هيك فهمتي بقص اجريكي
ليال بفرح : تسلملي يا خالو شو بحبك بوعدك ارفع راسك فيني انتا وكل عيلتي وبتشوف
وفاتت ليال لبست وطلعت وفرحاانه
بالجهه التانيه بكون واقف بالحديقه عم يحكي تلفون واول ما بخلص بيسمع صوت امو
ام وطن : مين الي بدك تعطيه 100 الف ؟
وطن : غاليتي بعدين بحكيلك لازم روح عندي شغل مستعجل يلا بشوفك المسا .. باسا من جبينا لامو وطلع
ام وطن: الله يهديك يا ابني
#تكمله الجزء الثاني
وطن بروح عالمقر تبع خدمتو وبشوف رفيقو عماد
وطن : مرحبا عماد كيفك شريك
عماد : اهلين والله شتقنالك شو كيف الوضع بالبيت وكيف الوالد
وطن : تسلم كلن بخير بسلمو عليك احلى عماد والله
عماد:لاحكيلك شو صار معنا بغيابك
وطن:شوفي
عماد:ولاشي رجعت لعند اهلي هههههه
وطن:ههه غليظ ههه انا رح نام شوي أكيد عنا مهمة ليوم
عماد:انشالله لا يلا روح نام
(بعد ساعتين 2)
القائد:شباب عنا مهمة غير المهمات القبل اليوم خبرونا أنوفي مسلحين هاجمين ع منطقة وفخخوها من كل الجهات لحتى مانقدر ندخلهاشو عندكن اقتراحات
وطن:سيدي منهاجمهم بالقفز المظلي
القائد:فيها مخاطرة
الجندي:بالليل احسن ومعنا كاشف الألغام ومناخد معنا الخبير بتفكيك المتفجرات
القائد:كمان فيها خطورة أي خطأ بينفجرو الكل
عماد:سيدي أكيد عندن طريق سري او نفق لان مو معقول يبقو بالمنطقة
القائد:أكيد معك حق بس كيف بدنا نعرف
وطن:مافي شخص موثوق من المنطقة
القائد:في أكيد
وطن:بيقدر يدخل بيناتن ويقول عن مكان السري
القائد:صح بس في خطر عالشخص ويمكن ينكشف
عماد:سيدي اذا دخل بناتن وتصرف متل مابدن مابشكو فيه ابدا وماعندنا غير هالحل
القائد:طيب شباب فيكن تروحو وبعدا منجتمع
(الكل):حاضر سيدي
(بعد 4ساعات )
عماد:نحنا جاهزين سيدي
وطن:يلا شباب (بيطلعو بسيارة وبيتجهو عالمنطقه )
(عند وطن)وطن:سيدي نحن وصلنا عالمكان المطلوب
القائد:انتبهو منيح هلأ بيوصل الشخص لعندكن
وطن:حاضر سيدي
عماد:سيدي مكان نظيف
جندي:سيدي في صوت من تحت الأرض
وطن:من اي جهة ؟
جندي:سيدي من جهة الشرق
وطن:شباب رح نبقى هون متل مأمر القائد
الكل:حاضر سيدي(بيوصل الشخص المطلوب لقبه ابو النور)
ابو النور:احترامي سيدي الطريق بدي وصلكن عليه من جهة الشرق ولازم نكون حذرين
وطن:تمام شباب استعدو
الكل:جاهزين سيدي
(الكل بيمشو باتجاه واحد وقودن ابة النور لان هو الوحيد يلي بيعرف الطريق بيدخلو لنفق مخفي ومجهز بطريقة حديثة )
وطن:صقر انت كون قريب من ابو النور
عماد:حاضر سيدي(بيوصلو لنهاية النفق وبيخرجو منه وبيدخلو بالمنطقة المطلوبة)
ابو النور :سيدي بعد هيك فيك مسلحين واقفين بأول المنطقة عددهم ٧
وطن:شباب مسدساتكم بوضع كتم
الكل:امرك سيدي(بيقتلو السبع رجال المسلحين وبكونو حذرين ليدخلو عالبيت يلي فيه الإرهابي الأكبر إلهم)
ابو النور:سيدي بكل زاوية من البيت في مسلحين أتنين
وطن بيرمي قنبلة يدوية وبتنفجر وبيدخلووالكل والاشتباكات بعد فترة من الوقت بيقدرو بيمسكو بالإرهابي حي بس أكيد هاد الشي مو بالسهل لأن استشهدو جنديين وطن مسدسه براس الإرهابي ومشو بالمنطقة والرجال المسلحين فورا استسلمو .
وطن:ابو النور انتا والجندي بتاخدو واحد من هدول وبتفكو الألغلام بالمنطقة
ابو النور والجندي:أمرك سيدي (بقو بالمنطقة أسبوع لقدرو ينظفوها من المسلحين والألغام وبيوصل القائد لعندهم)
وطن:احترامي سيدي
القائد:يعطيكم العافية ماخاب ظني من اختياري لإلكم
وطن:شكرا سيدي
القائد:وين الإرهابي يلي خطط لك
وطن : ليكو بالتحقيق
القائد : شكرا فيك تنصرف
اما عند ليال
بتكون قاعده عم تدرس فجأه بيجي وطن ع بالا وبتتزكر انو وعدا انو يساعدا مشان تكمل دراستا ليال : ايييه والله .طلعت قد الوعد . بس شو عملت لقتنع خالي شو صار يا ترى ؟ اممم يلا المهم انو مشي الحال 😃
ام ليال : لك ليال بنتي وينك حاج دراسه تعي قعدي معنا شوي حاج خانقه حالك
ليال : اي اي امي جايه يلا
بتروح ليال بتقعد مع العيله بكونو عم يحكو عن حفله تقديم مشروع لواحد من رفقات خالها
ابو داغر (خال ليال ): اي بنات جهزو حالكن مشان تروحو معي بلكي شي حدا بيجبر بخاطركن وبيتقدملكن 😏
بنات خال ليال : عنجد بابا رح تاخدنا 😍
ليال ( وهيي متنكرزة من حكي خالها ): لا خالو بدك تسمحلي انا عندي دراسه ما بقدر اطلع حقك عليي غير مرة نشالله 😒
ابو داغر : اي اي قومي نضبي ع غرفتك لشوف شو رح تعملك الكتب هه بس رح تروحي يعني رح تروحي فهمتي
ليال قامت وهيي متنكرزة فاتت ع غرفتا ليال : اففف ياه شو غصب الشغله يعني سكتت شوي بعدين رجعت حكت بخبث 😈: ايييه وشو علي بروح بتسلى وبلكي بشوف وطن ايييه اجت ع اجريها يا ليال والله اذا شفتو بتكون نقشت معي 😲😌 ههه
بيجي المسا وبصير موعد الحفله بتلبس ليال فستان دهبي قصير من قدام وطويل من ورا بلا كمام ع سكربينه دهبيه ع لون شعرا و مكياج عيونها وروج كشميري وبتترك شعرا ع طولو ليختلط بلون فستانا بس بتطلع بتجنن 🤤✨ بروحو ع الحفله بتكون من اجمل الحفلات الي بتشوفن وبالاحرى احلى حفله بتشوفا اول ما بتفوت قلبا بصير يدق وهيي مو عرفانه ليش بس شعور غريب اجاها .. بتقعد ع الطاولة مع عيلتا وفجأة بتجي عيله مبينه اوفر كلاس كتير وراقيين وبتكون عيله ابو وطن وبرحبو بعيله ليال
ابو طن ماشالله يا ابو داغر عندك بنت بتجنن الله يحميها ( قصدو ع ليال ) ليال بتخجل وبتنزل راسا بالارض
ابو داغر : تسلم يارب هي بنت اختي ومتل بنتي ابوها ف
يك تقول عنو توفى ☺️
ابو وطن : اه انا اسف ... اي تشرفت فيكن خدو راحتكن يلا بالازن لشوف باقي الضيوف بروح ابو وطن وبيقعدو عيله ابو داغر
ومن بين هالعيله في عاشق بعيد عم يتصفن بجمالا وبسحر ضحكتا الي شلتوو شل
وهيي عم تحكي وبلا ما تحس بتشوف حدا عم يقرب منها بكون وطن هيي تلبكت كتير قدام اهلا وبقرب منا وبسلم ع عيلتا وابو داغر بيعرف وطن وبيغمزو بعض فجأه بس ليال نتبهت والف سؤال دار براسا !!!
وطن : عمي بتسمحلي برقصه مع الانسه ليال ؟
ابو داغر: اي اكيد ابني تفضل
ليال متل الي مو فهمانه شي وماشيه بالتيار وساكته
بمد وطن ايدو ل ليال وبتحط ايدا بأيدو. و وقت حطت ايدا بايدو نسيت كل شي وركزت بعيونو وضاعت فيهن وراحو ليرقصو قرب منها وحط ايدو ع خصرا وشدا عليه هيي خجلت وخدودا توردو 😂 وحطت ايدا حوالي رقبتو وصارت تتمايل معو وكانها لعبه بايدو يلعبا ع كيفو كانو تنيناتن مو واسعتن الدني من الفرحه قرب وهمسلا : طالعه بتجنني شو عملتي فيي يا بنت شليتيه لوطن 🤤
ليال بتخجل وبتنزل راسا 🤦🏻♀ 😂
وطن : اح احمم لا تخجلي عادي حكيي عادي ههه
ليال بقلبا : تضرب اي والله قال عادي قال : اي شكرا حلا عيونك
#الجزء الثالث
ليال :اي شكرا حلا عيونك
وطن : بس لبسك كاشف كتير عيب الكل عم يتطلع عليكي
ليال : وانتا شو بهمك واذا عادي يعني مافيها شي انا مو اول بنت حدا بيطلع الناس عليها (عم تحكي هيك لتقهرو 😂)
وطن عصب وصارو عيونو حمر وعقلو رح يطلع من مكانو 🤯🤬:انتي واعيه ع حالك هااا يا ليال والله لو ما هالناس كنت موتك
ليال ستغربت من ردة فعلو و قررت تنهي هالنقاش :انا صار لازم روح شكرا ع الرقصه باي
راحت ليال وهيي مبين عليها علامات التوتر
ام ليال : شبك بنتي هيك لونك مخطوف ؟ ليال ماردت وضلت صافنه ام ليال : لك لييااال شبك لي هيك وجك ما بيتفسر
ليال : اه لا مافي شي بس معلش نروح ماما
ابو داغر: لا انسه ليال بكير والله نحنا مو تحت امرتك روحو روحو وتعو تعو قعدي بتم ساكت فهمتي
ليال سكتت وماردت شي
اما وطن ماكان مصدق انو كانت بين اديه وقريبه منو هيك : لك يالله شو صار فيي انا هالمخلوقه طيرتلي عقلي 😵 تقبريني ع هالعيون يا روحي
بتخلص الحفله وبروحو عالبيت ليال بتضل تفكر بحكيي وطن وتصرفاتو :معقول حبني !؟ لالا ليال شبك ضيلي هالافكار من راسك انتي وين وهوا وين اففف نا اغباكي وطن ابن الحسب والنسب بدو يتطلع ب ليال ههه ولا باحلامي😏💔 .. نامت ليال وهيي عم تفكر فيه اما عند وطن بضل صافن بالسقف وبحاكي حالو : معقول انا حبيت !! عمري 27 سنة وبحب متل المراهقين بعدين مين حبيت !حبيت بنت عمرا 19 سنه متل الوردة وانا مابعرف الله شو كاتبلي بهالوظيفه يمكن عيش اليوم وبكرا لاا ههه خلص وطن شيلا من بالك حرام تعلقا فيك وهيي بهالعمر بيجيها احسن منك ... اااخ يا ليال شو عملتي فيي والله ما بأيدي والله بحبك بحبك لك حتى عطيت خالك مبلغ كبير مشان يرجعك ع المدرسه وكل شهرين الو مبلغ بس كرمالك اااه يارب ساعدني ياارب 💔 نام احسن شي
وهيك بصير مع ابطال قصتنا كل واحد فيهن بفكر انو التاني ما بيقبل فيه بس ياترى شو بصير بعدين ؟! خليكن معنا لنشوف
تاني نهار بتفيق ليال الساعه 10ونص لانو كان الجمعه وعطله بتقعد شعراتا منكوشين والبيجاما نصا مرفوع ونصا نازل وكحلتا سايحه 😂😂 بتفتح الباب لتطلع تغسل بس بتتفاجا بوجود عيله وطن الكل بينصدم من منظر ليال واولهن وطن 💔😂
ليال : صباح الخير يا جماعه
الكل : صباح النور اهلين
بتفوت ليال ركض من خجلتا لتغسل وتغير اواعيها بتلبس بنطلون جينز فاتح وكنزة بيضا شوفان بتحطا تحت البنطلون وبتلبس بوط رياضه ابيض وبترفع شعرا لفوق وما بتحط مكياج لانا حلوى بلاه وبتطلع اول ما بشوفا وطن بقول بصوت خفيف هي نفسا الي طلعت من شوي ؟!!😳 بتسمعو امو وبتنكشو مشان يسكت
ليال بتفوت عالمطبخ بتزبط فواكه وبتطلع بتضيف وبتقعد وبضل وطن عينو عليها ع طريقه حكيا واسلوبها وضحكتا وطريقه الإقناع بالكلام الي عندا بتكون هي اول مرة بيقعد وبشوفا هيك وبزيد اعجابو فيهااا ليطبس فيها للاخر😍 ام وطن : يلا يا جماعه نحنا منستازن بدكن ما تواخزنا بس تركت بنتي لحالا ..
مروة : لا ولا يهمك شرفتونا
ام ليال: زارتنا البركه والله عيدوها هاا
وطن : اي اكيد خالتي .. اه قصدي نشالله ☺️ يلا بخاطركن
راحو وليال متل نزعجت لانو راحو
وطن : امي كيف شفتيلي للوشي ؟
ام وطن؟ مين هي للوشي ؟
وطن : اه قصدي ليال شو رأيك فيها ؟
ام وطن والله نعم التربيه بس شفتا كيف خجلت وخدودا صارو متل البندورة وقت طلعت وشافتنا ههه
وطن : امي مو انتي ع طول بتضلي تزني ع راسي تزوج وهيك ؟🌚
ام وطن: اي 😍😍 ؟
وطن : شو رايك جيبلك ليال ع بيتك 😉
ام وطن: اي ليش لاا يا ازعر عرفت تنقي والله
وطن : لكا امي بعجبك 😌ههه
بتمرق الايام روتينه بتخلص ليال البكالوريا وبتاخدا بمجموع منيح 89% وبهالوقت بتكون هيي وطن صارو رفقات وكل يوم بيحكو وضل يشجعا لخلصت البكالوريا وماتركا لحظه وحده بعدين بقرر وطن يروح يصارح ليال بحبو بدقلا المسا وطن : مسالخير للوشي كيفك
ليال : هلا وطن الحمدلله انتا كيفك
وطن :، مشتقلك شو رايك نطلع بمناسبه نجاحك انا عازمك ؟ ،
ليال : ياريت والله بس اهلي بتعرف مابخلوني
وطن : من هالناحيه تركي هالشغله عليي
ليال : اااخ لو بس اعرف من وين بتحل المشاكل وبتلاقيلا حلول .. المهم متل ما بدك انا بس بجهز حالي😌😌
وطن :سنفري يلا ههه
بسكر وطن وبيحكي مع خال ليال (خال ليال بيعرف انو وطن بحب ليال و وطن عم يعطيه مصاري ليسكت ويوافق لانو خالها طماع كتير ) بقلو بدو يطلع معا
ابو داغر : اي مو مشكله الحلوان مو بس ل ليال هاا😉 (قصدو ع مصاري الو )
وطن : اي عم لا تهكل هم خلص عندي بيرجع بدق ل ليال : جهزي حالك للوشتي وبس قولي ل خالك خالو انا هلا طالعه اوك
ليال : اي ماشي يلا 😍
بتجهز ليال بتلبس فستان اسود مجسم طويل وضهرو مفتوع حفر وبتفرد شعرا وبتحط مكياج خفيف وسكربينه سودا وبتجهز بتقول لخالا وبتطلع بتشوف وطن وكانو هي اول مرة بتشوفو بكون بكامل اناقتو بكون لابس بنطلون ابيض وقميص اسود ورافع شعراتو وغمازتو مبينه
وطن: (بقلبو : ياااياامو بتشل القلب ) : واوو
#تكمله الجزء الثالث
:بتجنني طالعه للوشتي
ليال بتخجل : شكرا وانتا مبين جنتل كتير .. منمشي ؟!
وطن: اي يلاا .. بيفتحلا باب السياره وبتقعد حدوو وهيي قلبا عن يدق الف مرة بالثانيه ومبسوطة بوصلو ع الشط بكون محضر طاوله و مزبطها منييح بتنبهر ليال من جمالها وبتقلو : بجنن هالمكان شكرا كتير كتيير
وطن : ولو للوشتي كم ليال عندي المهم تضلي تضحكي
ليال (ابتسمت بدفا ) : بدي أشكرك وطن ع وقفتك معي كنت الاخ والأب وكل شي بحياتي ماتخليت عني وضليت عم تساندني تساعدني بكل مشاكلي الله يبعتلك ع قد نياتك وطيبه قلبك انتاا انسان بتجنن مافي منك 🥺❤️
وطن : كلو بهون كرمال عيونك الي جننوني من وقت ما شفتك ليال انتي بتجنني انتي سحرتيني فيكي انتي مختلفه عن كل البنات الي شفتن ليال انا من اول يوم ضعت فيكي مانسيت رعشه جسمي و الرجفه الي صار بقلبي وقت حضنتيني اول يوم شفتك فيه عيونك وانتي عم تبكي موتوني من جوا انتي قدرتي تغيري فيي كتير شغلات انتي خلقتي الحب بقلبي كنتي اول حب واخر حب انا بحبك ليال بحبك عم تفهمي شو يعني بحبك كيف (ليال عم تسمع ومنصدمه بهالحكي ) وطن : ليال بتقبلي تكوني حبيبتي وروحي وزوجتي وشريكه حياتي ؟ بتقبلس تتزوجيني؟( بيثني ع ركبتو وبطالع من جيبتو علبه فيا محبس
ليال بدون تفكير وافقت وهيي مبسوطه وطااير عقلا باللي صار 😍 ليال : اي اي اكيد موافقه
بلبسا وطن الخاتم وبضما وبدور فيا وهنن عم يضحكوو
ليال : بحبك خلقت فيي.حب الحياه انا بموت بلاك يا وطني ♥️
وطن: يمووو دخيل قلبك ياروحي انا الك ورح ضل معك لآخر العمر بحبك
ليال و وطن : هههه وبيمضو هالسهرة هيك وبكل فرح
( بعد سنتين )
ليال ( عم تصرخ ) : وطننننن لك يااوطنننن لحقني رح أولد
وطن: شووو وليه شو.رح اعمل امشي امشي ع السيارة
ليال : لك يا مخلوووووق مافيي امشي اااااخخخ رح مووت يا وطن رح مووت ياامووو
بشيلا وطن وبروحو ع المشفى وبخبر عيلتهن وبيجو الكل
ام ليال : شقد صرلا جوا ؟
وطن : طولو نشالله تكون ليال بخير ياارب ياارب
ام وطن: اهدا ابني عاادي
وبعدا بيسمعو صوت ولد بيضحكو وبفوتو لعند ليال .. الكل : الحمدلله ع السلامه
ليال : الله يسلمكن
وطن : الحمدلله ع سلامتك يا روحي .. بتفوت الممرضه : مبروك اجتكن بنت قمر مصور
وطن بيحضن بنتو وليال وبقول مبروك ما اجانا ياروحي
ليال : يبارك بعمرك وطني
وطن : رح نسميها عشق وتكون هي ابنه حبنا 😍
ليال: اكيد روحي بحبك وطن ♥️
#النهايه
___________________
رأيكن ؟ 😍
ليست هناك تعليقات:
إرسال تعليق